ސަރުކާރަށް އަގުހުރި ޚިދުމަތްތަކެއް ކޮށްދެއްވި ޢަލީ ޝަރީފް އިބްރާހީމް ނިޔާވުމާގުޅިގެން ރައީސް ތަޢުޒިޔާ ދަންނަވައިފި
ސަރުކާރަށް އަގުހުރި ޚިދުމަތްތަކެއް ކޮށްދެއްވި ޢަލީ ޝަރީފް އިބްރާހީމް (ޏ.ޢަލީ ޝަރީފް) ނިޔާވުމާގުޅިގެން ރައީސް ތަޢުޒިޔާ ދަންނަވައިފިއެވެ.
ސޯޝަލްމީޑިއާގައި ކުރެއްވި ޕޯސްޓެއްގައި ރައީސް ވަީ މަރުޙޫމް ޢަލީ ޝަރީފްގެ ޚިދުމަތް ފާހަގަކުރައްވާފައެވެ. އެގޮތުން އަލްމަރުޙޫމް ޢަލީ ޝަރީފް އިބްރާހީމް (ޏ.ޢަލީ ޝަރީފް) އަކީ، ދިވެހި ބަހުގެ އަދީބެއް ކަމާއި، ޝަރުޢީ އަދި ޤާނޫނީ ދާއިރާގައި ތަޖްރިބާކާރު ޚިދުމަތްތެެރިއެއްކަން ފާހަގަކުރެއްވިއެވެ.
މީގެ އިތުރުން ޢަލީޝަރީފް އަކީ ދިވެހި ޅެންވެރިކަމުގެ ރޮނގުން ހިތްވަރު ދިނުމުގެ ޤައުމީ އިނާމު 1981 ވަނަ އަހަރު ޙާޞިލްކުރެއްވި ކުޅަދާނަ ޝާޢިރެއްކަން ރައީސް ފާހަގަކުރެއްވިއެވެ. އަދި 31 އަހަރަށްވުރެ ގިނަ ދުވަހު ސަރުކާރުގެ އެކި މަޤާމުތައް ފުރުއްވި ކަން ފާހަގަކުރައްވާ ރައީސް ވިދާޅުވީ ޝަރީފަކީ ހީވާގި، މުރާލި ބޭފުޅެއްކަމަށެވެ.
ރައީސް ވަނީ މަރުޙޫމް ޢަލީ ޝަރީފަށް ސުވަރުގޭގެ ދާއިމީ ނިޢުމަތް ދެއްވުން އެދި ދުޢާ ދަންނަވާފައެވެ.