އެހެން އެއްވެސް ސަރުކާރެއްގައި ނުދޭ އަޅައިލުމާ އެހީތެރިކަން ބޭރު ޤައުމުތަކުގައި ދިރިއުޅޭ ދިވެހީންނަށް ދޭނަން: ރައީސް
އެހެން އެއްވެސް ސަރުކާރެއްގައި ނުދޭ އަޅައިލުމާ އެހީތެރިކަން ބޭރު ޤައުމުތަކުގައި ދިރިއުޅޭ ދިވެހީންނަށް ދެއްވާނެ ކަމުގެ ޔަޤީންކަން ރައީސުލް ޖުމްހޫރިއްޔާ ޑރ. މުޙައްމަދު މުޢިއްޒު ދެއްވައިފިއެވެ.
ރައީސް ޑރ.މުޢިއްޒުގެ ފުރަތަމަ ރިޔާސީ ބަޔާން އިއްވަމުން އެމަނިކުފާނު ވިދާޅުވީ ރާއްޖޭގެ ދާޚިލީ އަމްނާ ޤައުމުގެ ހަމަޖެހުމާ އިޞްލާޙީ ހެޔޮ ބަދަލުތަކަށް ކަންކަން ކުރާ ވާހަކަ ދައްކާއިރު ބޭރު ޤައުމުތަކުގައި ދިރިއުޅޭ ދިވެހީންނާ ދިވެހި ޢާއިލާތަކުގެ މަތީންވެސް ހަނދާންކުރަން ޖެހޭކަމަށެވެ. މިއާއިއެކު ރައީސް ވަނީ މީގެ ކުރީން އެހެން އެއްވެސް ސަރުކާރެއްގައި ނުދޭ އަޅައިލުމާ އެހީތެރިކަން ބޭރު ޤައުމުތަކުގައި ދިރިއުޅޭ ދިވެހީންނަށް މިސަރުކާރުން ފޯރުކޮށްދެއްވާނެ ކަމުގެ ޔަޤީންކަން ދެއްވާފައެވެ. އެކަން ކުރުމަށް ނިންމާފައިވަނީ މިސަރުކާރުގައި ދިވެހީންނަށާއި، ދިވެހި ޤައުމަށް އިސްކަން ދިނުމަށް ތަންފީޒުކުރާ ސިޔާސަތުގެ ތެރެއިން ކަމަށްވެސް ރައީސް ވިދާޅުވިއެވެ.
ރާއްޖޭގެ ދާޚިލީ އަމްނާ، ޤައުމުގެ ހަމަޖެހުމާ، އިޞްލާޙީ ހެޔޮ ބަދަލުތަކަށް ކަންކަން ކުރާ ވާހަކަ ދައްކާއިރު، ބޭރު ޤައުމުތަކުގައި ދިރިއުޅޭ ދިވެހީންނާ ދިވެހި ޢާއިލާތަކުގެ މަތީންވެސް އަޅުގަނޑުމެން ހަނދާންކުރަން ޖެހޭ. މީގެކުރީން އެހެން އެއްވެސް ސަރުކާރެއްގައި ނުދޭ އަޅައިލުމާ އެހީތެރިކަން ބޭރު ޤައުމުތަކުގައި ދިރިއުޅޭ ދިވެހީންނަށް އިދާރަކުރެއްވިއްޔާ އަޅުގަނޑުމެން ދޭނަން. އެއީ އަޅުގަނޑުމެންގެ ސަރުކާރުގައި ދިވެހީންނަށާ ދިވެހި ޤައުމަށް އިސްކަން ދިނުމަށް ތަންފީޒުކުރާ ސިޔާސަތުގެ ތެރެއިން: ރައީސް މުޢިއްޒު
މިއާއިއެކު ރައީސް ވިދާޅުވީ ބޭރު ޤައުމުތަކުގައި ހުންނަ ދިވެހި އެމްބަސީތަކުގެ މައިގަނޑު އެއް މަސައްކަތަކަށް ވާނީ، އެ ޤައުމެއްގައި ދިރިއުޅޭ ދިވެހި ޢާއިލާތަކަށް ބޭނުންވާނެ ޚިދުމަތްތައް ދިނުމާއި ފަސޭހަތައް ފޯރުކޮށްދިނުން ކަމަށެވެ.