ޓުއަރިޒަމް ދާއިރާގެ މުވައްޒަފުންނަށް ރާއްޖޭގެ އެކި ސަރަޙައްދުތަކުން ބޯހިޔާވަހިކަން ލިބޭނެ: ރައީސް

ޓުއަރިޒަމް ދާއިރާގެ މުވައްޒަފުންނަށް ރާއްޖޭގެ އެކި ސަރަޙައްދުތަކުން ބޯހިޔާވަހިކަން ލިބޭނެ ކަމުގެ ޔަޤީންކަން ރައީސުލް ޖުމްހޫރިއްޔާ ޑރ. މުޙައްމަދު މުޢިއްޒު ދެއްވައިފިއެވެ.

ރައީސް މި ޔަޤީންކަން ދެއްވާފައިވަނީ ޓޫރިޒަމް ދާއިރާގެ މަސައްކަތްތެރީންގެ ހިޔާވަހިކަމާ ގުޅޭގޮތުން، އަދި ޓޫރިޒަމް ދާއިރާގެ މަސައްކަތްތެރީންގެ މަޝްވަރާ ސަރުކާރުން ހޯދުމާމެދު ރ.މީދޫ، ނަރުގިސް، ޠާހާ ޙުސައިން، ދެންނެވި ސުވާލަށް ޖަވާބު ދެއްވަމުންނެވެ.

ރައީސް ވިދާޅުވީ ޓޫރިޒަމް ދާއިރާގައި މަސައްކަތްކުރާ ފަރާތްތަކަށާއި، ޚާއްޞަކޮށް ޒުވާނުންނަކީ މި ސަރުކާރުން ވަރަށް އިސްކަމެއްދޭނެ ފަރާތްތަކެއް ކަމަށާއި،ް، ޓޫރިޒަމް ދާއިރާގަ މަސައްކަތްކުރާ ރައްޔިތުންނަށް ޚާއްޞަ ހައުސިން ސްކީމެއް، ސޯޝަލް ހައުސިން ޕްރޮޖެކްޓްސް ތަކުގެ ތެރޭގަ ކުރިއަށް ގެންދަން ނިންމާފައިވާ ކަމަށެވެ.

ޓޫރިޒަމް ދާއިރާގައި މަސައްކަތްކުރާ ފަރާތްތަކަށް، ހާއްސަކޮށް ޒުވާނުންނަކީ އަޅުގަނޑުމެން ސަރުކާރުގަ ވަރަށް އިސްކަމެއްދޭނެ ފަރާތްތަކެއް. އަޅުގަނޑު ވައުދުވެސް ވެފަ ވާނީ، އެހެންމަ ތި ވިދާޅުވި ގޮތަށް، އެއް ކަމަކަށް ހައުސިން ކަންތައް، މިހާރު ކެބިނެޓުން އޮންނާނެ ނިންމާފަވެސް އެކަންތައް، ޓޫރިޒަމް ދާއިރާގަ މަސައްކަތްކުރާ ރައްޔިތުންނަށް ހާއްސަ ހައުސިން ސްކީމެއް، ސޯޝަލް ހައުސިން ޕްރޮޖެކްޓްސް ތަކުގެ ތެރޭގަ ކުރިއަށް ގެންދަން: ރައީސް މުޢިއްޒު

ރައީސް ވިދާޅުވީ ޓުއަރިޒަމް ދާއިރާގެ ބޯހިޔާވަހި ކަމާއިގުޅޭ އޮނިގަނޑު  މިހާރު ވަނީ ފާސްކުރެވިފައި ކަމަށެވެ. އަދި ކެބިނެޓުން ނިންމާފައިވަނީ އެ އޮނިގަނޑުގެ މައްޗައް ބިނާކޮށް ޝަރުތުތައް ކަނޑައަޅާނެ ގޮތާއި ޕޮއިންޓުދޭނެ ގޮތްތައްޓޫރިޒަމް ދާއިރާގެ އެކިއެކި ޖަމިއްޔާތަކަށާއި، ޓޫރިޒަމް ދާއިރާގައި މަސައްކަތްކުރާ އެކިއެކި ފަރާތްތަކުގެ ޚިޔާލާއި މަޝްވަރާއާއިއެކު ތަފްސީލުތައް ނިންމަން ކަމުގައި ރައީސް ވިދާޅުވިއެވެ.މީގެ އިތުރުން ޓޫރިޒަމްގެ އެކިއެކި ސަރަޙައްދުތަކުގައި ހިންގާ ހައުސިން މަޝްރޫޢުތަކުގެ ތެރެއިން ޓޫރިޒަމް ދާއިރާގައި މަސައްކަތް ކުރާ ފަރާތްތަކަށް  ވަކި އިންސައްތައެއް ކަނޑައަޅާ ގޮތަށް ނިންމާފައިވާ ކަމަށާއި، ޓުއަރިޒަމް ދާއިރާގެ މަސައްކަތްތެރިންނަށް ބޯހިޔާވަހިކަން ލިބޭނީ ހަމައެކަނި މާލެ ސަރަހައްދުގައި އަޅާ ހައުސިން ޔުނިޓްތަކަކުން ނޫން ކަމަށް ރައީސް ވިދާޅުވިއެވެ.

ރާއްޖޭގެ އެކި ކަންކޮޅުތަކުގަ ހައުސިން ޕްރޮޖެކްޓްސް ހިނގޭނެ، އެ ހިނގާއިރުގަ އެ ސަރަޙައްދެއްގަ ހުރި ރިސޯޓްތަކުގަ މަސައްކަތް ކުރާ ޒުވާނުންނަށް އެ ސަރަޙައްދުން ފްލެޓް ނޫނިޔާ ހައުސިން ޕްރޮޖެކްޓުގެ ޔުނިޓް ތަކުން ޖާގަ ލިބޭ ގޮތައްއެއީ އަޅުގަނޑުމެންގެ ސިޔާސަތަކީ އެހެންމަ އެކަން އިރާދަކުރެއްވިއްޔާ އެގޮތައް ކުރިޔަށް ދާނެ. ދެން އަނެއްކަމަކަށް ނިންމާފަވާނީ ޓޫރިޒަމްގެ އެކިއެކި ސަރަޙައްދުތަކުގަ އެ ސަރަޙައްދެއްގަ ހިންގާ ހައުސިން މަޝްރޫޢުތަކުގެ ތެރެއިން ވަކި އިންސައްތައެއް ކަނޑައަޅާ ގޮތަށް ޓޫރިޒަމް ދާއިރާއިން މަސައްކަތް ކުރާ ފަރާތްތަކަށް. މާނައަކީ ހަމައެކަނި މާލެ ހުޅުމާލެ މި ސަރަޙައްދުގައި އަޅާ ހައުސިން ޔުނިޓްތަކަކުން ނޫނޭ ޓޫރިޒަމްގަ މަސައްކަތް ކުރާ ފަރާތްތަކަށް ފްލެޓުތައް ދޭން ނޫނީ ހައުސިން ލިބޭނީ. ރާއްޖޭގެ އެކި ކަންކޮޅުތަކުގަ ހައުސިން ޕްރޮޖެކްޓްސް ހިނގޭނެ، އެ ހިނގާއިރުގަ އެ ސަރަޙައްދެއްގަ ހުރި ރިސޯޓްތަކުގަ މަސައްކަތް ކުރާ ޒުވާނުންނަށް އެ ސަރަޙައްދުން ފްލެޓް ނޫނިޔާ ހައުސިން ޕްރޮޖެކްޓުގެ ޔުނިޓް ތަކުން ޖާގަ ލިބޭ ގޮތައްއެއީ އަޅުގަނޑުމެންގެ ސިޔާސަތަކީ އެހެންމަ އެކަން އިރާދަކުރެއްވިއްޔާ އެގޮތައް ކުރިޔަށް ދާނެ: ރައީސް މުޢިއްޒު

ރައީސް ވިދާޅުވީ އެންމެ އަވަހަށް ފެށޭ ހައުސިން ޔުނިޓްތަކުގެ ތެރެއިން އެ މަސައްކަތް ފެށިގެން ދާނެ ކަމަށާއި، އެކަމާއިގުޅޭ ގިނަ މަސައްކަތްތަކެއް ފެށިފައިވާކަމަށެވެ.

މީގެ އިތުރުން ޒުވާނުން ބައިވެރި ކޮށްގެން ޓޫރިޒަމް ދާއިރާ ކުރިއެރުމުގަ ޚިޔާލާއި މަޝްވަރާ ސަރުކާރުން ހޯދާނެތޯ ދެންނެވި ސުވާލުގެ ޖަވާބުގައި ރައީސް ވިދާޅުވީ ޓުއަރިޒަމް ދާއިރާގައި މަސައްކަތް ކުރާ މަސައްކަތްތެރިންނާއި ޚިދުމަތްތެރިންގެ ޚިޔާލާއި މަޝްވަރާއާއި އެއްގޮތަށް ޓުއަރިޒަމް ދާއިރާ ކުރިއެރުވުމަކީ އެމަނިކުފާނު އެންމެ ބޭނުންވެލައްވާ ގޮތްކަމަށެވެ.