ވިއްސާރައިގައި ލަންކާއިން މަރުވި މީހުންގެ ޢާއިލާތަކަށް ރައީސް ތަޢުޒިޔާ ދަންނަވައިފި
ސްރީލަންކާއަށް އާދަޔާ ޚިލާފަށް ވާރޭވެހުމާ ގުޅިގެން މަރުވި މީހުންގެ ޢާއިލާތަކަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ތަޢުޒިޔާ ވިދާޅުވެއްޖެއެވެ.
ސޯޝަލްމީޑިއާގައި ހިއްސާކުރެއްވި ޕޯސްޓެއްގައި ރައީސް ވިދާޅުވީ ލަންކާގެ މޫސުން ގޯވެ، އެ ޤައުމަށް ކުރި ބޯ ވިއްސާރާގައި ގިނަ ބަޔަކު މަރުވެ، އެތައް ތަނަކަށް ގެއްލުންވުމުން ހިތާމަކުރާ ކަމަށެވެ. އަދި ލަންކާއަށް ދިމާވެފައިވާ ހިތްދަތި މި ދަނޑުވަޅުގައި އެ ޤައުމުގެ ރައްޔިތުންނާއެކު ދިވެހިން ދެމިތިބޭނެކަން ރައީސް ފާހަގަކުރެއްވިއެވެ.
ރައީސް ވަނީ ވިއްސާރައިގެ ސަބަބުން ގެއްލުން ލިބުނު ޢާއިލާތަކަށް ތަޢުޒިޔާ ވިދާޅުވެފައެވެ.