ފުވައްމުލައްސިޓީގެ މަގު ހެދުމުގެ ޢަމަލީ މަސައްކަތް ރައީސް މުޢިއްޒު ފައްޓަވައިދެއްވައިފި
ފުވައްމުލައް ސިޓީގެ މަގުތައް ޒަމާނީ ފެންވަރަށް ހެދުމުގެ މަޝްރޫޢުގެ ދެވަނަ ފިޔަވަހީގެ ޢަމަލީ މަަސައްކަތް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ފަށްޓަވައިދެއްވައިފިއެވެ.
އެމްޓީސީސީއާއި ހަވާލުކޮށްގެން ކުރިއަށް ގެންދާ މި މަޝްރޫޢުގެ ޢަމަލީ މަސައްކަތް ފަށްޓަވައިދެއްވީ ރައީސުލްޖުމްހޫރިއްޔާ ޑރ. މުހައްމަދު މުޢިއްޒުއާއި މިނިސްޓަރ އޮފް ކޮންސްޓްރަކްޝަން ޑރ. މުއްތަލިބް އާއި ފުވައްމުލައް ސިޓީގެ މޭޔަރ އިސްމާޢީލް ރަފީޤް އަދި އެމްޓީސީސީގެ ސީއީއޯ އަބްދުالله ޒިޔާދު އެވެ.
ފުވައްމުލައްސިޓީއަށް ރައީސް ޑރ. މުޢިއްޒު ވަޑައިގަތީ މިއަދު މެންދުރުގެ ވަގުތެއްގައެވެ. ދެކުނުގެ 4 އަތޮޅަކަށް ރައީސް ކުރައްވާ ދަތުރުފުޅުގެ ތެރެއިން އައްޑޫސިޓީއަށް ކުރެއްވި ދަތުރުފުޅު ނިންމަވާލައްވައި ފުވައްމުލައްސިޓީއަށް ވަޑައިގެން ފުވައްމުލަކުގެ ރައްޔިތުންނާއި ބައްދަލުކުރެއްވުމަށް ވަނީ ހަމަޖެހިފައެވެ.