ހަފުތާ 14 ގެ ފުރަތަމަ 4 ހަފުތާގައި ހާސިލްކުރުމަށް އަމާޒުހިފި ހުރިހާކަމެއް ސައްތައިން ސައްތަ ފުރިހަމަ ކޮށްފައިވާކަން ސަރުކާރުން ހާމަކުރައްވައިފި
ސަރުކާރުގެ ހަފުތާ 14 ގެ ފުރަތަމަ 4 ހަފުތާގައި ހާސިލްކުރުމަށް އަމާޒުހިފި ހުރިހާކަމެއް ސައްތައިން ސައްތަ ފުރިހަމަ ކޮށްފައިވާކަން ސަރުކާރުން މިއަދު ހާމަކުރައްވައިފިއެވެ. ސަރުކާރުން މި މައުލޫމާތުތައް ހާމަކުރެއްވީ ރައީސުލްޖުމްހޫރިއްޔާގެ އޮފީހުގައި ބޭއްވި ނޫސްވެރިންގެ ބައްދަލުވުމުގައެވެ.
ނިމިދިޔަ ސަރުކާރުން އެހެން ޤައުމުތަކާއެކު ވެފައިވާ ސިއްރު އެއްބަސްވުންތަކުގައި ދިވެހިރާއްޖޭގެ މިނިވަންކަމާއި ސިޔާދަތަށް ނުރައްކާވާގޮތަށް ހުރި ނުކުތާތައް އުވާލުމުގެ މަސައްކަތް ފެށުން:
“މެމޮރެންޑަމް އޮފް އަންޑަސްޓޭންޑިން ފޮރ ކޯޕަރޭޝަން އިން ދަ ފީލްޑް އޮފް ހައިޑްރޯގްރަފީ ބިޓްވީން ދަ ގަވަންމަންޓް އޮފް ދަ ރިޕަބްލިކް އޮފް މޯލްޑިވްސް އެންޑް ދަ ގަވަންމަންޓް އޮފް ދަ ރިޕަބްލިކް އޮފް އިންޑިއާ” އެއްބަސްވުން އާނުކުރުމަށް ނިންމާފައި. 7 ޖޫން 2024 ގައި މި އެއްބަސްވުން ނިމުމަކަށް އަންނާނެ.
ދިވެހިރާއްޖޭގެ ޤައުމީ ތަރިކަ އާލާކޮށް އިޔާދަ ކުރުމަށް ބޭނުންވާ މަޝްރޫޢުތައް އެކަށައަޅައި، އެ މަޝްރޫޢުތައް ހިންގުމަށް ބޭނުންވާ އިބްތިދާއީ މަސައްކަތްތައް ފެށުން
މަޝްރޫޢުގެ ދަށުން ޤައުމީ ތަރިކައާގުޅޭ ދިރާސަތައްކުރުމާއި، ފޮތާއި އެކިއެކި ޢިލްމީ އުފެއްދުންތައް ޝާއިޢުކުރުމާއި ރާއްޖޭގެ ކޮންމެ ރަށެއްގައި ލައިބްރަރީތައް ޤާއިމުކުރުން ފަދަ ގިނަ މަސައްކަތްތަކެއްކުރެވިގެންދާނެ
ތެލަސީމިއާ ޕޭޝަންޓުންނަށް މިހާރު ދެވޭ ޚިދުމަތްތައް ފުޅާކުރުމުގެ އިތުރަށް، ހިލޭ ބޯންމެރޯ ޓްރާންސްޕްލާންޓް ހެދޭނެ މަގުފަހިކޮށްދިނުން
ފުރަތަމަ ޕޭޝަންޓް ބޯންމެރޯ ޓަރާންސްޕްލާންޓްއަށް ފުރައިިފި.
ރަށްރަށުގައި އަސާސީ ބޯހިޔާވަހިކަމަށް ދޫކޮށްފައިވާ ފުލެޓާއި ރޯހައުސްތަކަށް މަހުން މަހަށް ދައްކަން ޖެހޭ އަދަދު ކުޑަކޮށްދިނުން
ޖަނަވަރީން ފެށިގެން، ރަށްތަށުގެ ހައުސިން ޔުނިޓުތަކުގައި ދިިރުއުޅޭ ފަރާތްތަކުން ދައްކާނީ، ކުޑަކުރެވުނު ކުލި
ވެލާނާ އިންޓަރނޭޝަނަލް އެއަރޕޯޓު ތަރައްޤީކުރުމުގެ މަޝްރޫޢު އަވަސްކުރުމަށް އަޅަންޖެހޭ ފިޔަވަޅުތައް އެޅުން
ޓާމިނަލް މަޝްރޫޢުގެ މަސައްކަތް ނިންމުމުގެ ތާވަލު 2024 ވަނަ އަހަރުގެ ސެޕްޓެމްބަރު މަހަށް އަވަސްކުރުމަށް އިކޮނަމިކް ކައުންސިލުން ނިންމާފައި
ދައުލަތުގެ ޚަރަދަށް ޒިންމާވުމުގެ ޤާނޫނުގެ މާއްދާތަކެއް ނިމިދިޔަ ސަރުކާރުން ސަސްޕެންޑުކޮށްފައި އޮތްއޮތުން ނިމުމަކަށް ގެނެސް، ޤާނޫނު އެކީގައި އިޔާދަކޮށްދިނުމަށް ރައްޔިތުންގެ މަޖަލީހަށް ހުށަހެޅުން
ޚަރަދަށް ޒިންމާވުމުގެ ޤާނޫނުގެ ހުރިހާ މާއްދާއެއް އިއާދަކުރުމަށް އެދި 26 ނޮވެންބަރު 2023 ގައި ރައްޔިތުންގެ މަޖިލީހަށް ސިޓީ ފޮނުވިފައި
5 އަހަރުގެ ޒަޢާމަތުގައި، 1000 ފަޤީރުންނަށް ހިލޭ ހައްޖަށް ދެވޭނެ ފުރުސަތު ފަހިކޮށްދިނުމާގުޅޭ ޚާއްޞަ ސިޔާސަތު އެކުލަވާލައި އިޢުލާނުކުރުން
މި ސިޔާސަތުގެ ދަށުން، 2024 ވަނަ އަހަރު 50 ފަރާތެއް ހިލޭ ޙައްޖަށް ފޮނުވޭނެ
ދިވެހި ކޮންމެ ރައްޔިތަކަށް އާސަންދައިގެ ދަށުން އަހަރަކު 2 ފަހަރު މެޑިކަލް ޗެކަޕް ހެދުމުގެ މަގުފަހިކޮށްދިނުމަށް ޚާއްޞަ ސިޔާސަތެއް އެކުލަވާލައި ތަންފީޒުކުރަން ފެށުން
ފެށޭ ހަފްތާގެ ތެރޭގައި، ސަރުކާރުގެ ހޮސްޕިޓާތަކުން އާސަންދައިގެ ދަށުން މި ޚިދުމަތް ލިބެން ފަށާނެ
އައިވީއެފް ޓްރީޓްމަންޓް' ހިމެނޭހެން ދަރިމައިވުމާގުޅޭ ފަރުވާގެ ޚިދުމަތްތައް، އާސަންދަ މެދުވެރިކޮށް ލިބޭނެ އިންތިޒާމު ހަމަޖައްސައިދިނުން
މިއަދުން ފެށިގެން ދަރިމައިވުމާ ގުޅޭ ފަރުވާގެ ޚިދުމަތްތައް އާސަންދައިގެ ތެރެއިން ލިބެން ފަށާނެ
ޕާކުކުރާނެ ތަނެއް ނުދައްކައި ސްޓިކާ ނުޖަހާނެކަމަށް ނިމިދިޔަ ސަރުކާރުން ވެފައިވާ ވަޢުދާ ޚިލާފަށް ކުރި ހުރިހާ ޕާކިން ޖޫރިމަނާތައް މާފުކުރުން
5 ސެޕްޓެމްބަރު 2023 އިން 16 ނޮވެމްބަރު 2023 އަށް ކޮށްފައިވާ ޖޫރިމަނާ، ޤާނޫނުގައިވާ ގޮތުގެމަތީން މާފުކުރުމަށް ރައީސުލްޖުމްހޫރިއްޔާ ނިންމަވާފައި
ސިފައިންނާއި ފުލުހުންގެ ފުލެޓުތަކުގެ ކުލި ދެއްކުން 1 އަހަރަށް ފަސްކޮށްދިނުން
ދެ މަޝްރޫޢަށް ދޫކޮށްފައިވާ ޓްރެޜަރީ ލޯނު އަނބުރާދެއްކުން 1 އަހަރުގެ ގްރޭސް ޕީރިއަޑަކަށް (އިންޓަރެސްޓް ނުހިނގާ ގޮތަށް) ފަސްކޮށް، ރީސްޓްރަކްޗަރކުރުމަށް ރައީސުލްޖުމްހޫރިއްޔާ ނިންމަވާފައި
އިތުރަށްހާސިލުކުރެވިފައިވާމުހިއްމު ލަނޑުދަނޑިތަކުގެއުސްއަލިތައް
ހިޔާ ފްލެޓްތަކުގެ އަގުން 200000 ރުފިޔާ އުނިކުރުން: މި ލުޔާއެކު ކުރިން 2.25 މިލިޔަން ރުފިޔާއަށް ވިއްކުމަށް ހަމަޖައްސާފައިވާ ޔުނިޓުތަކުގެ އަގު 2.05 މިލިޔަން ރުފިޔާއަށް ކުޑަވެގެންދާނެ
ސިވިލް ރައިޓްސް އޮފީސް ޤާއިމުކުރެވި ޚިދުމަތް ފެށިފައި: މަދަނީ ޙައްޤުތައް ކަށަވަރުކޮށްދީ އަވަސް ޙައްލު ލިއްބައިދިނުމަށް، މުހިއްމު ހިޔާވައްސަކަށް ވާނެ
ޒަކާތާ ބެހޭ މުސްތަޤިއްލު އިދާރާއެއް ޤާއިމުކުރުން: ޒަކާތުގެ ކަންކަން ހަރުދަނާކުރުމަށް މުހިއްމު މަސައްކަތްތަކެއްކުރެވި، ރާއްޖެއިން ފަޤީރުކަން ނައްތާލުމަށް މަގުފަހިވެގެންދާނެ
މަސްވެރިންނަށް 146 މިލިޔަން ރުފިޔާ ދޫކުރުން: ގަނެފައިވާ މަހަށް ދޭންޖެހިފައިވާ 207 މިލިޔަނަށްވުރެ ގިނަ ރުފިޔާގެ ތެރެއިން، ބޮޑު ބައެއް ދޫކުރެވިފައި
މަސްތުވާތަކެތީގެ ވަބާއިން ސަލާމަތްވުމަށް ފަރުވާއަށް ބޭނުންވާ 700 ފަރާތަށް ޚާއްސަ ޕްރޮގްރާމެއް: ޑްރަގް ކޯޓުން ފަރުވާއަށް ޙުކުމުކޮށްފައިވާ 700 ފަރާތަށް އަމާޒުކޮށް “އޮޕަރޭޝަން ފަނާރު”ގެ ނަމުގައި ފަރުވާގެ ޚާއްސަ ޕްރޮގްރާމެއް ފެށިފައި