ހިތާދޫގެ ބިންހިއްކުން މިއަހަރު ފެށޭނެ: ރައީސް ޑރ، މުޢިއްޒު
ބ. ހިތާދޫގެ ރައްޔިތުންނަށް އެންމެ ބޮޑަށް ބޭނުން ޖެހިފައިވާ ކަންކަމުގެ ތެރެއިން އެންމެ ގިނަ ރައްޔިތުން އެކަމަށް އެދޭ ކަމަކީ ބޯހިޔާވަހިކަން ކަމަށާއި އެހެން ކަމުން މިއަހަރު އެރަށުގެ ބިންހިއްކުން ފެށޭނެ ކަމަށް ރައީސުލް ޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ.
މިއަދު ބ. ހިތާދޫގައި ބޭއްވި ޖަލްސާގައި ރައީސް ވިދާޅުވީ އެމަނިކުފާނު ކެމްޕެއިންގައި އެރަށަށް ދިޔުމުން ރަށުގެ ރައްޔިތުން އެދުނު ކަންކަން ބަޖެޓު ތަންދިން މިންވަރަކުން ކުރައްވާނެ ކަމުގެ ޔަޤީންކަން އަދިވެސް އަރުވާ ކަމަށެވެ.
އެގޮތުން ކޮންމެ ރަށެއްގައި ވެސް އެންމެ ފުރަތަމަ ކުރައްވާނީ އެރަށެއްގެ ރައްޔިތުންނަށް އެންމެ އަވަހަށް ބޭނުންޖެހިފައިވާ ތަރައްގީގެ މަޝްރޫއުތައް ކަމަށް ވިދާޅުވިއެވެ.
ރައީސް ވިދާޅުވީ ހިތާދޫގެ ބިމުގެ ދަތިކަން ހައްލު ކުރުމަށްޓަކައި އެރަށުގެ ބިންހިއްކުން މިހާރު ބަޖެޓު ކުރެވިފައިވާ ކަމަށާއި އެކަން މިއަހަރު ތެރޭ ފެށިގެންދާނެ ކަށެވެ.
ބިންހުސްވެގެން ބިން އިތުރުކުރަން ކެމްޕެއިންތެރޭގައި ވެސް ވާހަކަ ދެކެވި ވާނީ ވައުދުވެފަ. ބަޖެޓުގައި ވެސް އެބައޮތް އެ މަޝްރޫއު މިހާރު ހިމެނިފަ. މިއަހަރު ތެރޭގައި އިރާދުކުރެއްވިޔާ އެމަސައްކަތް ކުރިޔަށް ގެންދާނަން. އިރާދުކުރެއްވިޔާ އެމަސައްކަތް ފެށި މާލަސްތަކެއް ނުވެ ބިން އިތުރުވެގެންދާނެ ކަމުގެ ޔަގީންކަން އަޅުގަނޑުދެން: ރައީސް މުޢިއްޒު
މީގެ އިތުރުން ވެސް އެރަށުގައި ތައްގީގެ ގިނަ ކަންތައްތަކެއް ކޮށްދިނުމަށް ރައްޔިތުން އެދިފައިވާ ކަމަށް ރައީސް ވިދާޅުވިއެވެ.