ސަރުކާރުގެ ޚަރަދުތައް ކުޑަކުރުމަށް އިވެންޓްތައް މެދުކަނޑާލާ، ބޭރު ޤައުމުތަކަށްކުރާ ދަތުރުތައް ހުއްޓާލައިފިން: ރައީސް
މިދިޔަ ސަރުކާރު ނިމުނު އިރު އޮތް އިންތިހާ ދަރަނީގެ ސަބަބުން ސަރުކާރުގެ ޚަރަދުތައް ކުޑަކުރުމަށް އިވެންޓްތައް މެދުކަނޑާލާ، ބޭރު ދަތުރުތައް މަޑު ޖައްސާލައިފައިވާކަމަށް ކަމަށް ރައީސުލްޖުމްހޫރިއްޔާ ޑރ. މުޙައްމަދު މުއިއްޒު ވިދާޅުވެއްޖެއެވެ.
ރައީސް މިފަދައިން ވިދާޅުވީ މިރޭ ދ. މީދޫ ރައްޔިތުންނާއި ބައްދަލު ކުރައްވާ ދެއްކެވި ވާހަކަފުޅުގައެވެ.
ރައީސް ވިދާޅުވީ ސަރުކާރާއި ހަވާލުވެ ފުރަތަމަކޮޅު ބައެއް އިވެންޓްތައް ބޭއްވިނަމަވެސް މިހާރު ސަރުކާރުގެ މިނިސްޓްރީ ތަކާއި ކުންފުނިތަކުންވެސް މިލިއަނުން ޚަރަދުކޮށްގެން ބޮޑެތި އިވެންޓްތައް ނުބާއްވާނެ ކަމަށާއި، އެތައް މިލިއަން ޚަރަދުކޮށްގެން ބޭރުގެ ދަތުރުތައް ކުރުންފަދަ ކަންކަން މެދު ކަނޑާލާފައިވާ ކަމަށެވެ. އަ
މިހާރު ސަރުކާރުގެ މިނިސްޓްރީ ތަކާއި ކުންފުނިތަކުންވެސް ބޮޑެތި އިވެންޓްތަކެއްވެސް ނުބާއްވާނެ. ފުރަތަމަކޮޅު ބައެއް އިވެންޓްތައް ބޭއްވިން. އެކަމަކު މިހާރު ވާނީ އަޅުގަނޑު ހުއްޓާލާފަ އެކަންތައްވެސް މިލިއަނުން ޚަރަދުކޮށްގެން އިވެންޓްތައް ބޭއްވުމާއި އެތައް މިލިއަން ޚަރަދުކޮށްގެން ބޭރުގެ ދަތުރުތައް ކުރުމާއި، މިކަހަލަ ކަންކަމެއް މިހާރު އަޅުގަނޑުމެން ނުކުރަން: ރައީސް މުޢިއްޒު
މީގެ އިތުރުން ވީވަރަކުން ބޭކާރު ޚަރަދުތައް ހުއްޓާލައިފާ ވާކަމަށާއި، ޚަރަދުތައް ވީހާވެސް ކުޑަކޮށް ކުންފުނިތައްވެސް ވަރުގަދަކޮށްގެން އާމްދަނީ އިތުރުކުރުމުގެ މަސައްކަތް ފަށާފައިވާކަން ރައީސް ފާހަގަކުރެއްވިއެވެ.
ވީވަރަކުން ބޭކާރު ޚަރަދުތައް ހުއްޓާލާ ޚަރަދުތައް ވީހާވެސް ކުޑަކޮށް ކުންފުނިތައްވެސް ވަރުގަދަކޮށްގެން ، އާމްދަނީ އިތުރުކުރުމަށްޓަކާ މަސްވެރިކަން އިިތުރު މިކުރަނީ މަސް ފެކްޓްރީތައް އެޅުމަށް ނިންމާފައިވާކަމަށާއި، ކޯލްޑް ސްޓޯރޭޖްތައް ޑަބަލް ކުރުމަކީ ޓާގެޓް ކަމަށް. ތެލާއި، ކަރަންޓަށް ކުރާ ޚަރަދު ކުޑަކުރުމަށްޓަކާ 33 ޕަސެންޓަކީ ރިނިޔުބަލް އެނާޖީ ބޭނުންކޮށްގެން ކުރާ ކަމަކަށް ހެދުމަށް އެ މަސައްކަތްވެސް އެބަކުރަން: ރައީސް މުޢިއްޒު
މިއާއިއެކު ދަނޑުވެރިކަމުގެ ދާއިރާއަށް އަޅާލާނެ ކަމަށާއި،އާންމުކޮށް ބޭނުންކުރާ ރާއްޖޭގައި އުފައްދާ ހުރިހާ ބާވަތެއް މުޅި ރާއްޖޭގެ އާބާދީއަށް ބޭނުންވާވަރަށް ރާއްޖޭގައި އުފެއްދުމުގެ ޓާގެޓް ކަނޑައަޅައިގެން ގިނަ މަސައްކަތްތަކެއް ފެށިފައިވާ ކަމަށާއި މިކުރެވޭ ހުރިހާ މަސައްކަތެއްގެ ނަތީޖާ ފެނިގެންދާނެ ކަމުގެ ޔަޤީންކަންވެސް ރައީސް ވަނީ ދެއްވާފައެވެ.