ރައީސް ޑރ.މުޙައްމަދު މުޢިއްޒު އަންހެނުންގެ ދުވަހުގެ ތަހުނިޔާ ރާއްޖޭގެ އެންމެހާ އަންހެން ބޭފުޅުންނަށް ފޮނުވައިފި
ބައިނަލްއަގުވާމީ ފެންވަރުގައި ފާހަގަކުރާ މިއަހަރުގެ އަންހެނުންގެ ދުވަހުގެ މުނާސަބަތުގައި ރާއްޖޭގެ އެންމެހައި އަންހެން ބޭފުޅުންނަށް ރައީސް ޑރ.މުޙައްމަދު މުޢިއްޒު ތަހުނިޔާ ފޮނުއްވައިފިއެވެ.
އަންހެނުންގެ ދުވަހުގެ ތަހުނިޔާ ރައީސް ފޮނުއްވީ ރައީސް އޮފީހުން ކުރިއަށްގެންދާ ''ރައީސްގެ ޖަވާބު'' ސިލްސިލާގެ ތެރެއިން މިއަދުގެ ސުވާލަށް ޖަވާބު ދެއްވަމުންނެވެ.
ރައީސް ވިދާޅުވީ އެމަނިކުފާނުގެ ސިޔާސަތަކީ ކަނބަލުންނަކީ ބާރުވެރިކުރެވިފައިވާ ބަޔަކަށް ހަދައިދިނުން ކަމަަށާއި އެކަމަށްޓަކައި ވަރަށް ގިނަ މަސައްކަތްތަކެއް ކުރިއަށްގެންދަވާ ކަމަށެވެ.
އޭގެތެރެއިން އެއްކަމެއްގެ ގޮތުގައި ރައީސް ފާހަގަކުރެއްވީ އަންހެނުންގެ ތަަރައްގީއަށް މަސައްކަތް ކުރާ ކޮމިޓީތައް ބާރުވެރިކުރުވުމަށް ކުރައްވަން ނިންމަވާފައިވާ ބައެއް މަސައްކަތްތަކެވެ.
އެގޮތުން ކޮމިޓީތަކަށް ބާރުވެރިކަން ހޯދައިދެއްވުމަށް ގާނޫނުތަކަށް އިސްލާހު ގެނެސްގެން ކުރިއަށް ގެންދަން ގަސްތުކުރައްވާފައިވާ ކަމަށް ރައީސް ވިދާޅުވިއެވެ.
ރައީސް ޑރ މުޢިއްޒުގެ މެނިނފެސްޓޯ ގައިވެސް އަންހެނުންނަށް ޚާއްސަ ބައިތަކެއް އެކުލަވާލާފައިވާއިރު އެމަނިކުފާނުގެ ހަފްތާ14 މަގު ޗާޓުގައި ހިމަނާފައިވާ ގިނަ ކަންތައްތަކެއްގެ ތެރެއިން އަންހެނުންނަށް ޚާއްޞަކުރި ގިނަ ކަންކަން ވަނީ ނިންމާފައެވެ.