ހަފްތާ 14 ގެ 161 ވަޢުދުގެ ތެރެއިން 155 އަށް ވުރެ ގިނަ ވަޢުދެއް މިވަނީ ފުއްދާފައި: ރައީސް

މި ސަރުކާރުގެ "ހަފްތާ" ގައި ހިމެނޭ 161 ވައުދުގެ ތެރެއިން 155 ވައުދު ފުއްދިފައިވާ ކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ.

ރައީސް މުޢިއްޒު މިފަދައިން ވިދާޅުވީ ވަޢުދުތައް ފުއްދަވަމުން ގެންދަވާ މިންވަރާމެދު ރައްޔިތަކު ދެންނެވި ސުވާލަށް ޖަވާބު ދެއްވަމުންނެވެ.

އަޅުގަނޑު ވައުދުތައްވީ އިރާދަކުރެއްވިއްޔާ ހަމަ ހުރިހާ ވައުދެއްވެސް ފުއްދަން. އެގޮތަށް މަސައްކަތްތައްވެސް މިކުރަނީ. ފުރަތަމަ 14 ހަފުތާއަށް ކަނޑައެޅންި 161 ވަޢުދެއް ފުއްދުމަށްޓަކައި. އޭގެތެރެއިން ހުރިހާ ވަޢުދެއް ހެން މިހާރު ވަނީ ކަނޑައެޅި ޓާގެޓަށް ފުއްދިފައި. ދެތިން ކަމެއް ހަމަ ގާތްގަނޑަކަށް ހަމަ ނިމުމަކާ ހިސާބަށް ގޮސްފައި ވަނީ. 161 ވަޢުދުގެ ތެރެއިން 155 އަށް ވުރެ ގިނަ ވަޢުދުވަނީ ހަމަ އެއްކޮށް އެ ކަނޑައެޅިމިންވަރަށް ޙާސިލްކުރެވިފައި. އަދި ކުރިއަށް އޮތް ތަނުގައި ހަމަ ބައިވަރު ކަންކަން އެހުރީ ކުރަން: ރައީސް މުޢިއްޒު

މީގެ އިތުރުން ކުރިއަށްއޮތް އަހަރަށް އަދި ކުރިއަށްއޮތް އަހަރުތަކަށް ކުރަންޖެހޭ މަސައްކަތްތަކުގެ ބައިވަރު ކަންކަން ހިނގަމުންދާ ކަމަށާއި، އަދި ރަށްރަށަށް ވަޑައިގެން ރައްޔިތުން ބޭނުންވާ ކަންކަންވެސް ކުންފުނިތަކާއި ގުޅިގެން ބާރު ސްޕީޑެއްގައި ފެށިފައިވާ ކަމަށް ރައީސް ވިދާޅުވިއެވެ.

ރައީސް ވިދާޅުވީ 14 ހަފްތާއަށް ކަނޑައެޅި ވަޢުދުތައް ފުއްދިފައިވާ ކަމަށާއި، ހުރިހާ ވަޢުދުތަކެއްވެސް ފުއްދިގެން ދާނެކަމަށެވެ.