ޕެންޝަން ސްކީމް ވަރުގަދަކޮށް އޭގެން ރައްޔިތުންނަށް ފައިދާވާނެގޮތް ހަދަން ބޭނުން: ރައީސް

ޕެންޝަންގެ ފައިދާ އެންމެ ފުރިހަމަ ގޮތުގައި ރައްޔިތުންނަށް ލިބޭނެ ގޮތް ހައްދަވަން ބޭނުންފުޅުވާ ކަމަަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެ އެވެ.

ރައީސް މިހެން ވިދާޅުވީ އާންމުންގެ ސުވާލުތަކަަށް ޖަވާބު ދެއްވުމަށް ކުރިއަަށް ގެންދާ "ރައީސްގެ ޖަވާބު" ގައި ހުޅުމާލެ ފްލެޓް H-16-16-05، ފާޠިމަތު ޙަސަން މަނިކު، ޕެންޝަން ފަންޑަށް ޖަމާވާ ފައިސާ، ވަޒީފާއިން ވަކިވުމާއެކު ލިބޭނެ އިންތިޒާމެއް ހަމަޖެއްސިދާނެތޯ ދެންނެވި ސުވާލަށް ޖަވާބު ދެއްވަމުންނެވެ.

ރައީސް ވިދާޅުވީ ޕެންޝަނަށް ފައިސާ ނަގަނީ ވަކި ގާނޫނެއްގެ ދަށުން ކަމަށާ އެހެން ކަމުން ފައިސާ ނަގާ ގޮތް ވެސް ފައިސާ ދޫކުރެވޭނެ ގޮތަށް ވެސް ބަދަލެއް ގެނެވޭނީ ގާނޫނަށް ބަދަލު ގެނެސްގެން ކަމަށެވެ.

އަޅުގަނޑު ބޭނުން ޕެންޝަން ސްކީމް ވަރުގަދަ ކުރަން ވެސް އޭގެން އެންމެ ފައިދާވާނެ ގޮތް ރައްޔިތުންނަށް ހަދަން ވެސް: ރައީސް މުޢިއްޒު

ރައީސް ވިދާޅުވީ އެ ކަންބޮޑުވުން ޤަބޫލު ކުރެވޭ ކަމަށެވެ. އަދި އެކަމަށް ހަައްލެއް ގެނެވޭނީ މަޖިލީސްތެރެއިން ކަމަށް ވިދާޅުވެ އެކަން ކުރެވޭނީ އެފަދަ ފުރުޞަތެެއް ލިބިވަޑައިގެންފިނަމަ ކަމަށް ވިދާޅުވި އެވެ.