ޕީޕީއެމް/ޕީއެންސީ މަޖްލިސް ކެމްޕޭން: ރައީސް މިއަދު ވަޑައިގަތީ މާފަންނު ހުޅަނގަށް!
ކުރިއަށް އޮތް ރައްޔިތުންގެ މަޖްލީސް އިންތިޚާބުގެ ކެމްޕޭނަަށް ޕީޕީއެމް/ޕީއެންސީން ކުރިއަށް ގެންދާ ޙަރަކާތްތަކުގެ ތެރެއިން މިއަދު ރައީސް ބައިވެރިވެ ވަޑައިގަތީ މާފަންނު ހުޅަނގު ދާއިރާގެ ކެމްޕޭން ޙަރަކާތާއެވެ.
މިއަދު މެންދުރުފަހު 14:00 ގައި ރައީސް ވަނީމާފަންނު ހުޅަނގު ދާއިރާއަށް ވަޑައިގަންނަވާފައެވެ. ރައީސްގެ އަރިހުގައިމާފަންނު ހުޅަނގު ދާއިރާއިން މަޖްލިސް އިންތިޚާބުގައި ވާދަކުރައްވާ ސަރުކާރުގެ ކެންޑިޑޭޓް މުޙައްމަދު މުސްތަފާ (މުސްތޮ) ބައިވެރިވެ ވަޑައިގެންނެވިއެވެ.
މި ޙަރަކާތުގެ ތެރެއިން މާފަންނު ހުޅަނގު ދާއިރާގެ ބައެއް ގެތަކަށް ރައީސް ވަޑައިގެންނެވިއެވެ. މިއަދުގެ ޙަރަކާތުގައި ސަރުކާރުގެ ބައެއް ވަޒީރުންނާއި، ކުންފުނިތަކުގެ ވެރިންގެ އިތުރުން، ސްޓޭޓް މިނިސްޓަރުން އަދި ނައިބު ވަޒީރުން ބައިވެރިވެ ވަޑައިގެންނެވިއެވެ.
ރައީސް ޑރ. މުޢިއްޒު މަޖްލިސް ކެމްޕެއިން ރަސްމީކޮށް މާލެ ސަރަޙައްދުގައި ފެއްޓެވުމަށް ނިންމަވާފައިވާއިރު، ދާދި ފަހުން ރައީސް ވަނީ، ރައީސުލްޖުމްހޫރިއްޔާގެ ހައިސިއްޔަތުން ރާއްޖޭގެ ބައެއް ރަށްރަށަށް ވަޑާއިގެން ރައްޔިތުންގެ ހާލުއަހުވާލު ބައްލަވާފައެވެ.