ކުޑަކުދިންނަށް ޖިންސީގޯނާ ކުރާ މީހުން މިނިވަން ކުރުން ބަލައެއް ނުގަންނަން، ސަރުކާރުން ދަނީ އެފަދަ ނިންމުންތައް ލަސްނުކޮށް އިސްތިއުނާފުކުރަން ޕީޖީގައި ދަންނަވަމުން: ރައީސް
ކުޑަކުދިންނަށް ޖިންސީގޯނާ ކުރާ މީހުން މިނިވަން ކުރުން ބަލައެއް ނުގަންނަވާ ކަމަށާއި، ސަރުކާރުން ދަނީ އެފަދަ ނިންމުންތައް ލަސްނުކޮށް އިސްތިއުނާފުކުރަން ޕީޖީގައި ދަންނަވަމުން ކަމުގައި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ.
ރައީސް މިފަދައިން ވިދާޅުވެފައިވަނީ އެމަނިކުފާނުގެ އެކްސްގައި ކުރެއްވި ޕޯސްޓެއްގައެވެ.
ރައީސްގެ ޕޯސްޓްގައި ވިދާޅުވީ ކުޑަކުދިީންނަށް ޖިންސީ ގޯނާކުރިކަމުގެ ތުހުމަތުގައި ހައްޔަރުކޮށް، ނުވަތަ ޙުކުމް ކޮށްފައިވާ މީހުންނަށް މަޢާފުދިނުން، ނުވަތަ ލުއިދީ ދޫކޮށްލުމަކީ އެއްގޮތަކަށްވެސް ބަލައިގަނެވޭނޭ ކަމެއްނޫން ކަމަށެވެ. އަދި މިގޮތަށް ނިންމާ ނިންމުންތައް ލަސްނުކޮށް އިސްތިޢުނާފު ކުރުމަށް ސަރުކާރުން ޕީޖީ ގައި ދަންނަވަމުން ގެންދާކަން ރައީސް ފާހަގަކުރެއްވިއެވެ.
ރައީސް އިލްތިމާސްކުރެއްވީ މި ދިވެހި މުޖުތަމަޢަކީ އެފަދަ ނުބައި ފަރާތްތަކުގެ ނުބައި ވަކިތަކުން ސަލާމަތްވެފައިވާ މުޖުތަމަޢަކަށް ހެދުމަށް އެންމެން އެކުގައި މަސަކަތް ކުރުމަށެވެ.
ކުޑަކުދިީންނަށް ޖިންސީ ގޯނާކުރިކަމުގެ ތުހުމަތުގައި ހައްޔަރުކޮށް، ނުވަތަ ޙުކުމް ކޮށްފައިވާ މީހުންނަށް މަޢާފުދިނުން، ނުވަތަ ލުއިދީ ދޫކޮށްލުމަކީ އެއްގޮތަކަށްވެސް ބަލައިގަނެވޭނޭ ކަމެއްނޫން. މިގޮތަށް ނިންމާ ނިންމުންތައް ލަސްނުކޮށް އިސްތިޢުނާފު ކުރުމަށް ސަރުކާރުން ޕީޖީ ގައި މިދަނީ ދަންނަވަމުން. މި ދިވެހި މުޖުތަމަޢަކީ އެފަދަ ނުބައި ފަރާތްތަކުގެ ނުބައި ވަކިތަކުން ސަލާމަތްވެފައިވާ މުޖުތަމަޢަކަށް ހެދުމަށް އެންމެން އެކުގައި މަސަކަތް ކުރަމާތޯ! ރައީސް މުޢިއްޒު
ރައީސް ޑރ. މުޢިއްޒު މިފަދައިން ވިދާޅުވެފައިވާއިރު މި ފަހަކަށް އައިސް ކުޑަކުދިންނަށް ޖިންސީ ގޯނާކޮށްގެން ބަންދުގައި ތިބި ބައެއް ފަރާތްތައް ކޯޓުތަކުން ވަނީ މިނިވަންކޮށްފައެވެ. މިކަމާއި ގުޅިގެން ސަރުކާރަށް ފާޑުކިޔަމުންދާތީ ރައީސް މިވަނީ މިކަމުގައި ސަރުކާރުގެ ސްޓޭންޑ