ކާމިޔާބުކަމާ އެކު ސަރުކާރު ހިންގަން ބޭނުންނަމަ ސަރުކާރަށް ރައްޔިތުންގެ މަޖިލިސް ވަރަށް މުހިންމު: ރައީސް
ކާމިޔާބުކަމާ އެކު ސަރުކާރު ހިންގަން ބޭނުންނަމަ އެ ސަރުކާރަކަށް ރައްޔިތުންގެ މަޖިލިސް ވަރަށް މުހިންމު ކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ.
ރައީސް މިފަދައިން ވިދާޅުވީ "މިހާރު" ނޫހަށް ދެއްވި އެކްސްކްލޫސިވެއެއްގައެވެ.
ރައީސް ޑރ. މުޢިއްޒު ވިދާޅުވީ, ކާމިޔާބުކަމާ އެކު ސަރުކާރެއް ހިންގަން ބޭނުން ނަމަ އެ ސަރުކާރަކަށް ރައްޔިތުންގެ މަޖިލިސް ވަރަށް މުހިންމު ކަމަށާއި، އެއީ ރާއްޖޭގެ ޤާނޫނުއަސާސީ ބައްޓަން ކޮށްފައި އޮތް ގޮތުން ކަމަށް އެ މަނިކުފާނު ވިދާޅުވިއެވެ.
ކާމިޔާބުކަމާ އެކު ސަރުކާރެއް ހިންގަން ބޭނުން ނަމަ އެ ސަރުކާރަކަށް ރައްޔިތުންގެ މަޖިލިސް ވަރަށް މުހިންމު. އެއީ ރާއްޖޭގެ ގާނޫނުއަސާސީ ބައްޓަން ކޮށްފައި އޮތް ގޮތުން: ރައީސް މުޢިއްޒު
މިހާރު ވެސް ރައްޔިތުންގެ މަޖިލިހުގެ ބާރު ސަރުކާރަށް ނެތުމުން ރައްޔިތުންނަށް ކޮށްދޭން ބޭނުންފުޅުވާ ބައެއް ކަންކަން ނުކުރެވޭ ކަމަށް އެ މަނިކުފާނު ވިދާޅުވިއެވެ.
ރައީސް އިތުރަށް ވިދާޅުވީ ކުރިއަށް އޮތް މަޖިލިސް އިންތިޚާބުގައި އެ މަނިކުފާނުގެ ކޯލިޝަނަށް ސުޕަމެޖޯރިޓީ ލިބޭނެ ކަމަށް ވަރަށް ބޮޑަށް އުންމީދު ކުރައްވާ ކަމަށެވެ.