ހައި ރިސްކް މާހައުލުގައި މަސައްކަތްކުރާ މުވައްޒަފުންނަށް މިހާރަށްވުރެ ރަނގަޅަށް ރިސްކް އެލަވަންސް ދިނުމުގެ މަސައްކަތް މިދަނީ ކުރަމުން: ރައީސް
ހައި ރިސްކް މާހައުލުގައި މަސައްކަތްކުރާ މުވައްޒަފުންނަށް މިހާރަށްވުރެ ރަނގަޅަށް ރިސްކް އެލަވަންސް ދިނުމުގެ މަސައްކަތް ސަރުކާރުން ކުރަމުން ގެންދަވާކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ.
ރައީސް މިފަދައިން ވިދާޅުވީ ސަރުކާރު ކުންފުނިތަކުގެ މުވައްޒަފުންގެ ރިސްކު އެލަވަންސާއި ގުޅޭގޮތުން މާލެ ސިޓީ، މއ.ސްނޯލައިޓް، އާމިނަތު ނަތާޝާ ކުރެއްވި ސުވާލަށް ދެއްވި ޖަވާބުގައެވެ.
އެކި ކުންފުނިތަކުަގައި ކުރަން އޮންނަނީ އެކި ކަހަލަ މަސައްކަތްތައް ކަން ފާހަގަކުރައްވާ ރައީސް ވިދާޅުވީ އެ ކުރާ މަސައްކަތްތަކުގައި ރިސްކް ހިމެނޭ ކަމަށްވާނަމަ އެ ކުންފުންޏެއްގެ ކޯޕަރޭޓް ސިޔާސަތުގެތެރެއިން އެކަން ހަމަޖެއްސިގެން ދާންޖެހޭނެކަމަށާއި، ކުރިއަށްއޮތް ތަނުގައި މިހާރަށްވުރެ ރަނގަޅަށް ވީހާވެސް ގިނަ ފަރާތްތަކަށް ހައި ރިސްކް އެލަވަންސް ދިނުމުގެ މަސައްކަތް ކުރައްވާނެ ކަމަށެވެ.
ހައި ރިސްކް އެންވަމަންޓެއްގައި މަސައްކަތްކުރާ މުވައްޒަފުން ހިމެނޭ ކުންފުނިތަކުގަ މިހާރަށްވުރެ މާ ޝާމިލްކަންބޮޑު ގޮތެއްގައި ރިސް އެލަވަންސް ތަޢާރަފްކުރުމުގެ ކަންތައްތައް ކުރިއަށް ގެންދަން: ރައީސް މުޢިއްޒު
ރައީސުލް ޖުމްހޫރިއްޔާ ރައްޔިތުންގެ ސުވާލުތަކަށް ޖަވާބު ދެއްވުމަށް ސަރުކާރުން ކުރިއަށް ގެންދާ ރައީސްގެ ޖަވާބު ޕްރޮގްރާމްގައި ރައްޔިތުންގެ މިފަދަ މުހިންމު އެތައް ސުވާލުތަކަށް ޖަވާބު ދެއްވަމުން ގެންދަވައެވެ.