މަސްތުވުމުން ސަލާމަތްވުމަށް ފަރުވާ ހޯދަމުންދާ މީހުންގެ ކަންކަން ހަރުދަނާކުރުމަށް ޤާނޫނީ އިމުގެ ތެރެއިން މަސައްކަތް ކޮށްދޭނަން: ރައީސް
މަސްތުވުމުން ސަލާމަތްވުމަށް ފަރުވާ ހޯދަމުންދާ މީހުންގެ ކަންކަން ހަރުދަނާކުރުމަށް ޤާނޫނީ އިމުގެ ތެރެއިން މަސައްކަތް ކޮށްދެއްވާނެ ކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ.
ރައީސް މިފަދައިން ވިދާޅުވީ މަސްތުވުމުން ސަލާމަތްވުމަށް ފަރުވާ ހޯދަމުންދާ މީހުން، އެ ފަރުވާ ފުރިހަމަކުރަން ފުރުޞަތު ދިނުމާ ބެހޭ ގޮތުން މާލެ ސިޓީ، މއ.ސްނޯލައިޓް، އާމިނަތު ނަތާޝާ ކުރެއްވި ސުވާލަށް ޖަވާބު ދެއްވަމުންނެވެ.
ރައީސް ވިދާޅުވީ މެތަޑޯން ޓްރީޓްމެންޓް ނަގާ ކުދިން އެކަން ކުރަމުން ދަނިކޮށް އަނބުރާ ޖަލަށް ގެންދަން އޮންނަ އޮތުން ބަދަލުކޮށް ޓްރީޓްމަންޓް ބަދަލު ކުރެވޭނެ ކަމަށެވެ.
ރައީސް ވިދާޅުވީ އެކަމާއި ގުޅޭގޮތުން ހޯމްލޭންޑް ސެކިއުރިޓީ މިނިސްޓްރީއާ އަދި ކަމާބެހޭ ފަރާތްތަކާ އެކީގަ ވާހަކަދައްކައިގެން އެކަންތައް މިހާރު އޮންނަ ގޮތް މިހާރަށްވުރެ ހަރުދަނާ ކޮށް އެކަމުގަ ޓްރީޓްމަންޓް އެއްކޮށް މެދުނުކެނޑި ކޮށް ނިންމޭނެ ގޮތް ހަދާދިނުމައްޓަކައި ގާނޫނީ އިމުގެ ތެރޭން ހަމަޖައްސަވައި ދެއްވާނެ ކަމަށެވެ.
މެތަޑޯން ޓްރީޓްމެންޓް ނަގާ ކުދިން އެކަން ކުރަމުން ދަނިކޮށް އަނބުރާ ޖަލަށް ގެންދަން އޮންނަ އޮތުން ބަދަލުކޮށް ޓްރީޓްމަންޓް ބަދަލު ކުރެވޭނެތޯ، އާދެ އެގޮތަށް ހެދޭނެ، އަޅުގަނޑު އިރާދަކުރެއްވިއްޔާ ތިކަމާ ގުޅޭގޮތުން ހޯމްލޭންޑް ސެކިއުރިޓީ މިނިސްޓްރީއާ އަދި ކަމާބެހޭ ފަރާތްތަކާ އެކީގަ ވާހަކަދައްކަވާ ދަންނަވާނަން ތި ވިދާޅުވި ކަންތައް މިހާރު އޮންނަ ގޮތް. މިހާރަށްވުރެ ހަރުދަނާ ކުރައްވާ ހަރުދަނާ ކޮށް އެކަމުގަ ޓްރީޓްމަންޓް އެއްކޮށް ކޮންޓިނިއު ކޮށް ނިންމޭނެ ގޮތް ހަދާދިނުމައްޓަކައި. ކަންހަމަޖައްސަދޭ ކަންތައްތައް ގާނޫނު އިމުގެ ތެރޭން ހަމަޖައްސަން: ރައީސް މުޢިއްޒު
ރައްޔިތުންގެ ކަންބޮޑުވުންތަކާއި ގުޅޭ މިފަދަ ސުވާލުތަކަށް ރައީސް ޑރ. މުޢިއްޒު ޖަވާބު ދެއްވަމުން ގެންދަވާއިރު، ރައީސުލް ޖުމްހޫރިއްޔާ އާއި ސީދާ ސުވާލުކޮށް، ޚިޔާލު ހުށަހެޅުއްވުމަށް ރައްޔިތުންގެ އަޑު ޕޯޓަލްވެސް ވަނީ އިފްތިތާޙު ކޮށްދެއްވާފައެވެ.