ރައީސް މުޢިއްޒުއާއި ގުޅޭގޮތުން ފަތުރަމުން ދިޔަ ދޮގު ވާހަކަތަކުގެ ޙަޤީޤަތް ރައީސް ވިދާޅުވެ ދެއްވައިފި!
ރައީސް ޑރ. މުޢިއްޒުއާއި ގުޅޭގޮތުން ފަތުރަމުން ދިޔަ ބައެއް ދޮގު ވާހަކަތަކުގެ ޙަޤީޤަތް ރައީސް ވިދާޅުވެ ދެއްވައިފިއެވެ.
ރައީސް މުޢިއްޒު މިއަދު މެދު ހެންވޭރު ދާއިރާގެ ދޮރުން ދޮރަށް ވަޑައިގެންނެވި ވަގުތާއި ދިމާކޮށް އެދާއިރާއަށް ފުރަތަމަަ ޕީޕީއެމް/ ޕީއެންސީގެ ޕްރައިމަރީގައި ވާދަކުރަން އުޅެ، ފަހުން އަމިއްލަގޮތުން ވާދަކުރައްވާފައި ހުންނަވަނިކޮށް ސުޕްރީމް ކޯޓުގެ ޙުކުމަކުން ކެންޑިޑެސީ ބާތިލްވި ޙަސަން ޝިޔާމްގެ 2 ސަޕޯޓަރުން ވަނީ ރައީސް އާއި ސުވާލުތަކެއް ކުރިމަތި ކުރުވާފައެވެ.
އެގޮތުން ވަކި މީހަކަށް ބޭއިންސާފުން ރައީސް މުޢިއްޒު ކަންކުރެއްވި ކަމަށާއި، ޙަސަނަށް ސުޕްރީމް ކޯޓުން ކުރި ޙުކުމަށް ރައީސް ނުފޫޒު ފޯރުވި ކަމަށް ބުނެ ކުރި ތުހުމަތުތަކަށް ރައީސް ޖަވާބު ދެއްވިއެވެ. ރައީސް ވަނީ އެ ހުރިހާ ތުހުމަތެއް ދޮގު ކުރައްވާފައެވެ.
ރޯދައަށް މިހުރީ، އަޅުގަނޑާއި ގުޅޭގޮތުން ތި ދެންނެވީ ހުސް ދޮގު، ހަމަ ހުސް ދޮގު، އަޅުގަނޑު ވަކި މީހަކަށް ބޭ އިންސާފުން ކަމެއް ނުކުރަން، މާތް ﷲ ގަންދީ ހުވާކޮށްފަ މި ދަންނަވަނީ ޝަރުޢީ ކޯޓުތަކަށް ނުފޫޒެއް ނުފޯރުވަން: ރައީސް މުޢިއްޒު
ރައީސް ޑރ . މުޢިއްޒު ދަނީ އެމަނިކުފާނާއި ގުޅޭގޮތުން ފަތުރަމުންދާ ޙަޤީޤަތާއި ޚިލާފު މިފަދަ ވާހަކަތަކަށް ރައްދު ދެއްވާ ކަމުގެ ޙަޤީޤަތް އޮޅުން ފިލުވާ ދެއްވަމުންނެވެ.