މަޖިލިސް އިންތިޚާބުގައި ފަރުވާ ކުޑަކޮށްފިނަމަ ޤައުމުގެ މުސްތަޤްބަލް ބިނާކުރުމަށްޓަކާ މިކުރާ މަސައްކަތުގަ ވަރަށްބޮޑު ގެއްލުމެއް ކުރިމަތި ވެދާނެ: ރައީސް

ކުރިއަށް އޮތް 20ވަނަ ރައްޔިތުންގެ މަޖިލިސް އިންތިޚާބުގެ މަސައްކަތަށް ފަރުވާ ކުޑަކޮށްފިނަމަ ޤައުމުގެ މުސްތަޤްބަލް ބިނާކުރުމަށްޓަކާ މިކުރާ މަސައްކަތުގަ ވަރަށްބޮޑު ގެއްލުމެއް ކުރިމަތި ވެދާނެ ކަމަށް ރައީސުލް ޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ.

ރައީސް މިފަދައިން ވިދާޅުވީ ރޭ އައްޑޫސިޓީ ހުޅުދޫ ދާއިރާގެ ސަރުކަރު ކެންޑިޑޭޓް މުޙައްމަދު ޝާހިދު (ޝާޑު) ގެ ކެމްޕޭން ޖަގަހަ ހުޅުވައި ދެއްވުމަށް މާލޭގައި ބޭއްވި ޙަފްލާގައި ވާހަކަފުޅު ދައްކަވަމުންނެވެ.

 މަޖިލިސް އިންތިޚާބުގައި ފަރުވާ ކުޑަކޮށްފިނަމަ އަޅުގަނޑުމެންގެ ޤައުމުގެ މުސްތަޤްބަލް ބިނާކުރުމަށްޓަކާ މިކުރާ މަސައްކަތުގަ ވަރަށްބޮޑު ގެއްލުމެއް ކުރިމަތި ވެދާނެ: ރައީސް

ރައީސް ވިދާޅުވީ ޤައުމުގެ ފާލު ނެއްޓިގެން ދަނިކޮށް ޤައުމު ހަމަ މަގަށް ގެނެސް ދިވެހީންގެ ރާއްޖެއަށް މިސްރާބުޖަހާ ދިވެހީންގެ ރާއްޖެ ހޯދުމުގެ ބުރަ މަސައްކަތް ކޮށްފައިވަނީ ރައްޔިތުން ކަމަށާއި، މިހެން އެކަން ކުރުމަށްފަހު މި މަސައްކަތް ފުރިހަމަ ކުރުމަށްޓަކާ ރައްޔިތުންގެ މަޖިލީހަށް ދިވެހީންގެ ރާއްޖޭގެ ވިސްނުން ގެންދަންޖެހޭ ކަމަށެވެ. އަދި އެ ވިސްނުން މަޖްލީހަށް ނުގެންދެވިއްޖެނަމަ އެކުރި މަސައްކަތުން އެންމެ ފޮނިމީރުކަމެއް ނުލިބޭނެ ކަމަށް ވިދާޅުވިއެވެ.

ޤައުމުގެ ފާލު ނެއްޓިގެން ދަނިކޮށް ނިކަން ބުރަ މަސައްކަތުން ތިޔަ ރައްޔިތުން ހަމަ މަގަށް ގެނެސް ދިވެހީންގެ ރާއްޖެއަށް މިސްރާބުޖަހާ ދިވެހީންގެ ރާއްޖެ ހޯދުމުގެ ބުރަ މަސައްކަތް މިވަނީ ކޮށްފަ. މިހެން މިކަން ކުރުމަށްފަހު މި މަސައްކަތް ފުރިހަމަ ކުރުމަށްޓަކާ ރައްޔިތުންގެ މަޖިލީހަށް ދިވެހީންގެ ރާއްޖޭގެ ވިސްނުން ގެންދަންޖެހޭ.ނުގެންދެވިއްޖެނަމަ އަޅުގަނޑުމެން މިކުރި މަސައްކަތުން އެންމެ ފޮނިމީރުކަމެއް ނުލިބޭނެ: ރައީސް މުޢިއްޒު

އެހެންކަމުން މަޖްލީހުގެ ކެމްޕޭނު މަސައްކަތުގަ މަސްޢޫލުވެގެން ބުރަކޮށް މަސައްކަތް ކުރަންޖެހޭ ކަމަށް ރައީސް ވިދާޅުވިއެވެ.

މިއާއިއެކު ރާއްޖޭގެ ހުރިހާ ދާއިރާއެއްގެ ހުރިހާ ރައްޔިތުންގެކިބައިން ރައީސް އެދިލެއްވީ ކެމްޕޭން މަސައްކަތުގަ ވަރަށް ހިތްވަރާ ޖޯޝާއިއެކީގައި މަސައްކަތް ކުރެއްވުމަށެވެ.

ހުޅުދޫ ދާއިރާގެ ރައްޔިތުންގެ ކިބައިން ރައީސް އެދިލެއްވީ ދާއިރާގެ ސަރުކާރުގެ ކެންޑިޑޭޓް މުޙައްމަދު ޝާހިދު(ޝާޑު) އިންތިޚާބު ކޮށްދެއްވުމަށް މަސައްކަތް ކުރެއްވުމަށެވެ. ރައީސް ވިދާޅުވީ ޝާޑު އަކީ އެމަނިކުފާނުގެ 100 ޕަސަންޓް ތާއީދުއޮތް ފުރިހަމަ އިތުބާރުއޮތް އެމަނިކުފަނުގެ ކެންޑިޑޭޓް ކަމަށެވެ.

އަޅުގަނޑު ރާއްޖޭގެ ހުރިހާ ދާއިރާއެއްގެ ހުރިހާ ރައްޔިތުންގެކިބައިން މި އެދެނީ  މިމަސައްކަތުގަ ވަރަށް ހިތްވަރާ ޖޯޝާއިއެކީގައި މަސައްކަތް ކުރެއްވުމަށް. ހުޅުދޫ ދާއިރާގެ ރައްޔިތުންގެ ކިބައިން ރައީސް އެދިލެއްވީ ދާއިރާގެ ސަރުކާރުގެ ކެންޑިޑޭޓް މުޙައްމަދު ޝާހިދު(ޝާޑު) އިންތިޚާބު ކޮށްދެއްވުމަށް މަސައްކަތް ކުރެއްވުމަށް. ޝާޑު އަކީ އަޅުގަނޑުގެ 100 ޕަސަންޓް ތާއީދުއޮތް ފުރިހަމަ އިތުބާރުއޮތް އަޅުގަނޑުގެ ކެންޑިޑޭޓް: ރައީސް މުޢިއްޒު

ރައީސް ވިދާޅުވީ ހުޅުދޫގެ ތަރައްޤީއަށް އެންމެ ބޮޑު އެއްބާރުލުން ދެއްވާނެ ހަމައެކަނި ކެންޑިޑޭޓަކީ ޝާޑު ކަމަށެވެ.

އެހެން ކަމުން ހުރިހާ ބޭފުޅުން ރެޔާއި ދުވާލު މަޖިލިސް އިންތިޚާބުގައި އެއް ވިސްނުމެއްގައި މަސައްކަތް ކޮށްދެއްވާ، މިފަހަރަކީ އައްޑޫސިޓީގެ ތަރައްޤީއަަށް އަދި ދާއިރާގެ ތަރައްޤީއަށްޓަކައި ކުރަންހުރި މަސައްކަތްތަކުގައި އެކަތިގަނޑަކަށް ވާންޖެހޭ ފަހަރު ކަމަށް ރައީސް ވިދާޅުވިއެވެ.