ޑްރަގްގެ ވަބާގައި ޖެހިފައިވާ މީހުން ރިހެބިލިޓޭޓްކޮށް އިސްލާމްދީނުގެ ހަމަތަކުގެ މަތިން، ތައުލީމާ ތަރުބިއްޔަތުދީ އަނބުރާ މުޖުތަމަޢުއަށް ބޭނުންތެރި ކުދިންނަށް ހަދައިދޭނަން: ރައީސް
ޑްރަގްގެ ވަބާގައި ޖެހިފައިވާ މީހުން ރިހެބިލިޓޭޓްކޮށް އިސްލާމްދީނުގެ ހަމަތަކުގެ މަތިން، ތައުލީމާ ތަރުބިއްޔަތުދީ އަނބުރާ މުޖުތަމަޢުއަށް ބޭނުންތެރި ކުދިންނަށް ހަދައިދެއްވާނެ ކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ.
ރައީސް މިފަދައިން ވިދާޅުވީ މަސްތުވާތަކެތީގެ ބޭނުންކުރާ މީހުންނަށް ފަރުވާދީ އަނބުރާ މުޖްތަމަޢަށް ގެނައުމަށް ސަރުކާރުން ކުރައްވާ މަސައްކަތްތަކާމެދު މާލެ ސިޓީ، މއ.ބޯޅަކިންކިރިމާގޭ ޢާއިޝަތު ޝެރީން، ދެންނެވި ސުވާލަށް ދެއްވި ޖަވާބުގައެވެ.
މުޖުތަމައުގައި އެންމެ ބޮޑުވެފައިވާ އެއް މައްސަލައަކީ ޑްރަގުގެ މައްސަލަކަން ފާހަގަކުރައްވާ ރައީސް ވިދާޅުވީ، މި މައްސަލައަކީ އެތައް އަހަރެއްވެފައިވާ، އެކަށީގެންވާ ހައްލެއް ގެނެވިފައިނުވާ ބޮޑު މައްސަލައެއްކަމަށާއި، ޒުވާނުންގެ އެތައް ޒުވާނުންނެއް އަދި އެކި އުމުރުފުރާގެ މީހުން އެކަމުގެ ވަބާގައި ޖެހިފައިވާ މައްސަލައެއް ކަމަށެވެ.
އެހެންކަމުން މިސަރުކާރުގެ މެނިފެސްޓޯގައި މި މައްސަލައަށް ހައްލު ގެނައުމަށް ބޮޑު ސަމާލުކަމެއް ދީފަ އޮންނާނެ ކަމަށާއި، ރައީސްގެ ވައުދުތަކުގެ ތެރޭގަ އެ ވާހަކަތައް ފާހަގަ ކޮއްފައިވާނެ ކަމަށް ވިދާޅުވިއެވެ. އެގޮތުން ކޮމިއުނިޓީ ބޭސްޑް ރިހަބިލިޓޭޝަން އަކީ އެމަނިކުފާނު ގަބޫލުކުރައްވާ ގޮތުގަ އެންމެ މުހިއްމު ހައްލު ކަމަށާއި، ކެބިނެޓުގަ މިކަމާ ގުޅޭގޮތުން މަޝްވަރާ ކުރެވި ސިޔާސަތު ކަނޑައަޅާފަ ވާނެކަމަށް ވިދާޅުވިއެވެ.
އާދެ ރާއްޖޭގެ އެހި ސަރަހައްދުތަކުގަ ރިހަބިލިޓޭޝަން މަރުކަޒުތައް ގާއިމުކޮށް ރަގަޅު ފެންވަރުގެ މަރުކަޒުތައް ގާއިމުކޮށް ކުދިން އަނބުރާ ރަނގަޅުކޮށް މުޖުތަމައުއަށް ގެނެވޭނެ ގޮތަށް ހިނގާ ރަނގަޅު ފެންވަރުގެ މަރުކަޒުތައް ގާއިމްކުރުމަށް މަސައްކަތް ކުރުމަށް އެޔޮތީ ނިންމާފަ. އެކަމަށްޓަކާ ވަކި ރަށްތަކެއްވެސް ކަނޑައެޅިފަ އަދި އެމަސައްކަތްތައް އިރާދަކުރެއްވިއްޔާ ބާރުމިނުގަ ކުރިއަށްދާނެ އެހެންވީމަ އެކިކަހަލަ، ސަރުކާރުން ހިނގާ އެކިކަހަލަ މަޝްރޫތަކުގަވެސް އަމަލީ ގޮތުން ބައިވެރިވެ އަނބުރާ މުޖުތަމައަށް އާދެވޭނެ ގޮތައް އެ ކުދިން ތަމްރީނުދީ އަނބުރާ ގެނެވޭނެ ގޮތްތައްވެސް މީގެތެރޭގަ ހިމެނިގެން ދާނެ އެހެންވީމަ ކޮމިއުނިޓީ ބޭސްޑް ގޮތަށް ރިހަބިލިޓޭޓްކޮށް އިސްލާމްދީނުގެ ހަމަތަކުގެ މަތިން އެކުދިނަށް ތައުލީމާ ތަރުބިއްޔަތުދީ ވިސްނަދީހަދައިގެން އަނބުރާ މުޖުތަމައަށް ބޭނުން ތެރިކުދިން ގޮތުގަ ގެނައުމަކީ އަޅުގަނޑުމެން އެންމެންވެސް ބޭނުންވާނެ ގޮތް އެއީ އަޅުގަނޑުމެންގެ ސިޔާސަތަކީ އެގޮތައް އިރާދަކުރެއްވިއްޔާ ކުރިޔައް ގެންދާނަން: ރައީސް މުޢިއްޒު