ޕީޕީއެމް/ޕީއެންސީ މަޖްލިސް ކެމްޕޭން: ރައީސް މުޢިއްޒު މިއަދު ވަޑައިގަތީ ހެންވޭރު ދެކުނު ދާއިރާއަށް!
ކުރިއަށް އޮތް ރައްޔިތުންގެ މަޖްލިސް އިންތިޚާބުގެ ކެމްޕޭނަަށް ޕީޕީއެމް/ޕީއެންސީން ކުރިއަށް ގެންދާ ޙަރަކާތްތަކުގެ ތެރެއިން މިއަދު ރައީސް ޑރ. މުޢިއްޒު ބައިވެރިވެ ވަޑައިގަތީ ހެންވޭރު ދެކުނު ދާއިރާގެ ދޮރުން ދޮރަށް ކެމްޕޭން ޙަރަކާތުގައެވެ.
މި ހަރަކާތުގައި ބައިވެރިވެވަޑައިގަތުމަށް ރައީސް މިއަދު މެންދުރު ފަހު ވަނީ ހެންވޭރު ދެކުނަށް ވަޑައިގެންފައެވެ. ރައީސްގެ އަރިހުގައި ސަރުކާރުގެ ފަރާތުން ހެންވޭރު ދެކުނު ދާއިރާއަށް ވާދަކުރައްވާ ކެނޑިޑޭޓް އިމްރާން ލަތީފް (އިންމު) ވެސް ބައިވެރިވެވަޑައިގެންނެވިއެވެ.
މިއަދުގެ ކެމްޕެއިން ހަރަކާތުގެ ތެރެއިން ހެންވޭރު ދެކުނު ދާއިރާގެ ބައެއް ގެތަކަށް ރައީސް ވަނީ ވަޑައިގެންފައެވެ.
މި ހަރަކާތުގައި ސަރުކާރުގެ ބައެއް ވަޒީރުންނާއި، ކުންފުނިތަކުގެ ވެރިންގެ އިތުރުން ސްޓޭޓް މިނިސްޓަރުން އަދި ނައިބު ވަޒީރުން ބައިވެރިވެވަޑައިގެންނެވިއެވެ.