އެންޓިކެމްޕޭނާއި ފުރައްސާރައަށް ބެއްލެވުމެއްނެތި ރައީސް މުޢިއްޒު ޓީމާއިއެކު ދިވެހީންގެ ރާއްޖެ މަޖްލީހަށް!
އިދިކޮޅު ފަރާތްތަކުން ސަރުކާރާއި ބެހޭގޮތުން ދޮގު ވާހަކަތައް ފަތުރާ ކުރަމުންދިޔަ އެންޓިކެމްޕޭނާއި ފުރައްސާރައަށް ބެއްލެވުމެއްނެތި ރައީސް މުޢިއްޒު ޓީމާއިއެކު ދިވެހީންގެ ރާއްޖެ މަޖްލީހަށް ދަތުރުކުރައްވައިފިއެވެ.
ވިހިވަނަ ރައްޔިތުންގެ މަޖިލީހުގެ އަޣުލަބިއްޔަތު ޕީޕަލްސް ނޭޝަނަލް ކޮންގުރެސް ޕާޓީން ކަށަވަރުކޮށް އިދިކޮޅު އެމްޑީޕީން ޒަމާނުއްސުރެ އަޣުލަބިއްޔަތު ދަމަހައްޓަމުން އައި ގިނަ ދާއިރާތަކެއް ކާމިޔާބުކޮށްފިއެވެ.
ވިހިވަނަ ރައްޔިތުންގެ މަޖިލިހަށް ޖުމްލަ 93 މެމްބަރުން އިންތިހާބު ކުރާއިރު، ސަރުކާރަށް 73 ގޮނޑި އަދި އެމްޑީޕީއަށް މިހާތަނަށް 12 ގޮނޑިއެެއް ވަނީ ކާމިޔާބު ކުރެވިފައެވެ. ބާކީ ތިބި ގޮނޑިތައް އަމިއްލަ ކެންޑިޑޭޓުންނާއި ޖުމްހޫރީ ޕާޓީގެ ކެންޑިޑޭޓަކާއި، އެމްއެންޕީގެ ކެންޑިޑޭޓެއް ވަނީ ކާމިޔާބު ކުރައްވާފައެވެ.