އަނެއްކާވެސް ރައީސް މުޢިއްޒުއަށް ކާމިޔާބީއެއް، ކައުންސިލް ބައި އިލެކްޝަނުން 4 ގޮނޑި!

އަނެއްކާވެސް ރައީސް މުޢިއްޒުއަށް ސިޔާސީގޮތުން ބޮޑު ކާމިޔާބީއެއް ލިބިއްޖެއެވެ. މިފަހަރު ލިބިވަޑައިގަތީ ކައުންސިލް ބައި އިލެކްޝަނުން 4 ދާއިރާއެއްގެ ގޮނޑިއެވެ.

އިއްޔެ ކުރިއަށްދިޔަ ކައުންސިލްތަކުގެ ބައި އިލެކްޝަންތަކުން ސަރުކާރުހިންގާ ޕާޓީ ޕީއެންސީއަށް ވަނީ 4 ދާއިރާއެއްގެ ކައުންސިލް ގޮނޑި ކާމިޔާބުވެފައެވެ.

އެގޮތުން ޕީއެންސީއަށް ލިބިފައިވަނީ ހއ. އުތީމު، ރ. އިންނަމާދޫ، ނ. ވެލިދޫ އަދި ހއ. ތަކަންދޫގެ ކައުންސިލް ގޮނޑިތަކެވެ.

ހއ. އުތީމު ގެ ގޮނޑި ކާމިޔާބު ކުރީ އިބްރާހިމް ސުނާންއެވެ. ނ. ވެލިދޫ ގޮނޑި އަބްްދުﷲ އަބްދުއްރައްޒާޤު ކާމިޔާބު ކުރިއިރު، ރ. އިންނަމާދޫގެ ގޮނޑި އައިޝަތު ސަމްހާ ކާމިޔާބުކުރިއެވެ. އަދި ހއ. ތަކަންދޫގެ ގޮނޑި ކާމިޔާބުކުރީ ސަމީނާ މުޙައްމަދުއެވެ.

ސަރުކާރަށް މި ކާމިޔާބީ ލިބިފައިވާއިރު، މިދިޔަ 5 އަހަރު، ލޯކަލް ކައުންސިލްތަކުގެ އިންތިޚާބުން ހޯދި ކާމިޔާބީއަށް ފަހު، ޕީޕީއެމް ޕީއެންސީން ދަނީ ސިޔާސީ މައިދާނުގައި ބޮޑެތި ކާމިޔާބީތަކެއް ހޯދަމުންނެވެ. އެގޮތުން މިއަހަރުގެ ރިޔާސީ އިންތިޚާބާއި، ރައްޔިތުންގެ މަޖްލިސް އިންތިޚާބާއި، ބައި އިލެކްޝަންތައްވެސް ކާމިޔާބުކުރީ ޕީޕީއެމް ޕީއެންސީ އިންނެވެ.