ރައީސް ޑރ.މުޢިއްޒު އިންޑިޔާ ބޮޑުވަޒީރާއި ބައްދަލުކުރައްވައިފި
ރައީސް ޑރ. މުޙައްމަދު މުޢިއްޒު އިންޑިޔާ ބޮޑުވަޒީރު ނަރެންދުރަ މޯދީއާ ބައްދަލުކުރައްވައިފިއެވެ.
މޯދީ ހުވާ ކުރެއްވުމަށް ބޭއްވި ރަސްމިއްޔާތަށް ވަޑައިގެންނެވި ބޭރު ގައުމުތަކުގެ ވެރިންގެ ޝަރަފްގައި ކުރިއަށް ގެންދިޔަ ރޭގަނޑުގެ ފަރިއްކޮޅުގައި ރައީސް ޑރ. މުޢިއްޒު ބައިވެރިވެވަޑައިގަންނަވާފައިވާއިރު މި ޖާފަތުގެ ހަވާސާގައި ރައީސް މުއިއްޒު ވަނީ ބޮޑުވަޒީރު މޯދީއާ ބައްދަލުކުރައްވާ މަޝަވަރާކުރައްވާފައެވެ.
މި ބައްދަލުކުރެއްވުމުގެ މާ ބޮޑު ތަފުސީލެއް ހާމަކޮށްފައި ނުވެއެވެ.
ރައީސް ޑރ. މުޢިއްޒު އިންޑިޔާ އަށް ކުރައްވަމުންގެންދަވާ ދަތުރުފުޅަކީ އިންޑިޔާ ބޮޑުވަޒީރު ނަރެންދްރަ މޯދީ ގެ ދައުވަތަކަށް ކުރައްވަމުންގެންދަވާ ދަތުރުފުޅެކެވެ. މި ދަތުރުފުޅަކީ ރައީސް އިންޑިޔާއަށް ކުރައްވާ ރަސްމީ ފުރަތަމަ ދަތުރުފުޅެވެ.