ރައީސުލްޖުމްހޫރިއްޔާ 7 ޤައުމަކަށް ކަނޑައެޅުއްވި ސަފީރުންނަށް ފަތްކޮޅު އަރުވައިފި

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު 7 ޤައުމަކަށް ކަނޑައެޅުއްވި ސަފީރުންނަށް ފަތްކޮޅު އަރުވައިފިއެވެ.

އައު ސަފީރުންގެ ގޮތުގައި ކަނޑައެޅުއްވި ފަރާތްތައް:

• 1. ތުރުކީ ވިލާތް- ހިޒް އެކްސަލެންސީ ސެމީ ލުޓްފު ޓުރްގުޓް

• 2. ތައިލެންޑް- ހިޒް އެކްސަލަންސީ ޕައިޓޫން މަހާޕަންނާޕޮން

• 3. ކޮރެއާ- ހަރ އެކްސަލަންސީ މިޔޮންގ ލީ

• 4. ރޫމޭނިއާ- ހަރ އެކްސަލެންސީ ސްޓެލުޓާ އާރިހަޔަރ

• 5. ޒެމްބިއާ- ހިޒް އެކްސަލަންސީ ޕަރސީ ޕެޓްސަން ޗަންދާ

• 6. އުރުދުން- ހިޒް އެކްސަލަންސީ ޑޮކްޓަރ މައެން ޚުރައިސަތު

• 7. ލިތުއޭނިއާ- ހަރ އެކްސަލެންސީ ޑަޔަނާ މިކެވިޗިއެނޭ

ސަފީރުކަމުގެ ފަތްކޮޅު ރައީސުލްޖުމްހޫރިއްޔާއަށް އެރުވުމުން ރައީސުލްޖުމްހޫރިއްޔާ ވަނީ އައު ސަފީރުންނަށް ތަހުނިޔާ ވިދާޅުވެ، ދިވެހިރާއްޖެއަށް ވަޑައިގެންނެވިކަމަށްޓަކައި މަރްޙަބާ ވިދާޅުވެފައެވެ.

މި ރަސްމިއްޔާތަށް ޖުމްހޫރީ މައިދާނުންފެށިގެން ރައީސުލްޖުމްހޫރިއްޔާގެ އޮފީހާ ހަމައަށް ސަފީރުން ވަޑައިގެންނެވީ ހަތްކޮޅުގައި ރަސްމީ އިއްޒަތުގައި ބެރު ދުންމާރި ތާޅަފިލީގައި، ހެވިކަމުގެ ލަޝްކަރީންނާއެކު ހިންގަވައިފައެވެ

އައު ސަފީރުންނާއި ރައީސުލްޖުމްހޫރިއްޔާ ބައްދަލުކުރައްވައި، އެޤައުމުތަކުގެ ގުޅުން ރާއްޖެއާއި އިތުރަށް ބަދަހިކުރެވިދާނެ ދާއިރާތަކާ ގުޅޭގޮތުން މަޝްވަރާކުރެއްވިއެވެ. މިގޮތުން މަޝްވަރާކުރެއްވި ކަންކަމުގެ ތެރޭގައި ފަތުރުވެރިކަމާއި، މަސްވެރިކަމާއި، ޞިއްޙީ ދާއިރާ ފުޅާކުރުމާއި، ވިޔަފާރީގެ ދާއިރާއާއި އިންވެސްޓްމަންޓްގެ އިތުރުން އިންސާނީ ވަޞީލަތާއި ޤާބިލުކަން އިތުރުކުރުން ހިމެނެއެވެ.

މި ރަސްމިއްޔާތު އޮތީ މިއަދު ހެނދުނު ރައީސުލްޖުމްހޫރިއްޔާގެ އޮފީހުގައެވެ.