އެމެރިކާގެ ކުރީގެ ރައީސް ޑޮނަލްޑް ޓްރަމްޕަށް އަމާޒުކޮށްދިން ހަމަލާ ރައީސް ޑރ. މުޢިއްޒު ކުށްވެރިކުރައްވައިފި
އެމެރިކާގެ ކުރީގެ ރައީސް ޑޮނަލްޑް ޓްރަމްޕަށް އަމާޒުކޮށް ދިން ހަމަލާ ދިވެހިރާއްޖޭގެ ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު ހަރުކަށި އިބާރާތުން ކުށްވެރި ކުރައްވައިފިއެވެ.
ޓްރަމްޕަށް އަމާޒުކޮށް ދިން ހަމަލާއާއި ގުޅިގެން ރައީސް ކުރެއްވި ޕޯސްޓްގައި ވިދާޅުވީ ސިޔާސީ މައިދާނުގައި އެއްވެސް ބާވަތެއްގެ ހަމަނުޖެހުންތަކަށް ޖާގައެއް ނޯންނާނެ ކަމަށާއި، ކޮންމެ ތަނެއްގައި ހިނގިކަމުގައިވިޔަސް މިފަދަ ހަމަނުޖެހުންތައް ހަރުކަށި އިބާރާތުން ކުށްވެރި ކުރައްވާ ކަމަށެވެ.
ރައީސް ޑރ.މުޢިއްޒު ސޯޝަލް މީޑިއާ ޕްލެޓްފޯމް "އެކްސް" ގައި ކުރެއްވި ޕޯސްޓްގައި ވަނީ ޓްރަމްޕް އަށާއި، އެމަނިކުފާނުގެ ޢާއިލާއަށާއި ހަމަލާގައި ޒަޚަމްވި އެހެން ފަރާތްތަކަށް ހެޔޮއެދުންތައް ފޮނުއްވާފައެވެ.