ގްރޭޓަރ މާލެ މަގުތަކުގެ ރައްކާތެރިކަމާއި އަމާންކަމަށް، "މާލެ ފަހި" ޕްރޮގްރާމް ރައީސް ޑރ.މުޢިއްޒު އިފްތިތާޙްކޮށްދެއްވައިފި

ގްރޭޓަރ މާލެ މަގުތަކުގެ ރައްކާތެރިކަމާއި އަމާންކަމަށް، "މާލެ ފަހި" ޕްރޮގްރާމް ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު އިފްތިތާޙްކޮށްދެއްވައިފިއެވެ.

"މާލެ ފަހި" ޕްރޮގްރާމަކީ ގްރޭޓަރ މާލެ ސަރަޙައްދުގެ މަގުމަތީގައި ދުއްވާ އުޅަނދުތައް ގިނަވުމުގެ ސަބަބުން ދިމާވެފައިވާ ތޮއްޖެހުމުގެ މައްސަލައަށް ހައްލެއް ހޯދުމަށް ސަރުކާރުން ފަށާ ޕްރޮގްރާމެކެވެ. މި ޕްރޮގްރާމް ރާވައި ތަންފީޒްކުރާނީ މިނިސްޓްރީ އޮފް ޓްރާންސްޕޯޓް އެންޑް ސިވިލް އޭވިއޭޝަންއިންނެވެ.

މި ޕްރޮގްރާމުގައި ހިމެނޭ ގިނަ ކަންކަމަކީ، ކަމާ ގުޅުންހުރި އިދާރާތައް ހިމެނޭހެން އެކުލަވާލި "އަރބަން ޓްރ ފިކް ޑީ-ކޮންޖެސްޝަން މެނޭޖްމަންޓް ކޮމިޓީ" ގެ ލަފަޔާއި މަޝްވަރާ އާއެކު އެކުލަވާލި ޕްލޭނުގައިވާ ޙަރަކާތްތަކެއްކަމަށް މަޢުލޫމާތުލިބެއެވެ.

މާލެ ފަހި ޕްރޮގްރާމް ބެހިފައިވަނީ މައިގަނޑު 3 ބަޔަކަށެވެ.

އެ ބައިތަކުގެ ތެރޭގައި ޤާނޫނާއި ގަވާއިދުގެ ތެރެއިން ވެހިކަލް ރަޖިސްޓްރީކުރުމާއި، އުޅަނދުގެ އަދަދު ކޮންޓްރޯލްކުރުމާއި، ޕަބްލިކް ޓްރާންސްޕޯޓް ވަޞީލަތްތައް އިތުރަށް ހަރުދަނާކޮށް ތަރައްޤީކުރުމާއި، މަގުތަކަކީ ދަތުރުފަތުރާއި ހިނގައި ބިނގާވެއުޅެން ރައްކާތެރި އަދި ފަސޭހަ އަމާން ތަންތަނަށްހެދުން ހިމެނެއެވެ.