4 ޤައުމެެއްގެ ސަފީރުންގެ ފަތްކޮޅު ރައީސަށް އަރުވައިފި

ހަތަރު ގައުމަކުން ރާއްޖެއަށް ކަނޑައަޅުއްވާފައިވާ އައު ސަފީރުން، އެބޭފުޅުންގެ ސަފީރުކަމުގެ ފަތްކޮޅު ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުއަށް މިއަދު އަރުވައިފިއެވެ.

ސަފީރުންގެ ސަފީރުކަމުގެ ފަތްކޮޅު އެރުވުމުގެ ރަސްމިއްޔާތު އޮތީ މިއަދު ހެނދުނު ރައީސުލްޖުމްހޫރިއްޔާގެ އޮފީހުގައެވެ.

އެ ރަސްމިއްޔާތަށް ޖުމްހޫރީ މައިދާނުން ފެށިގެން ރައީސުލްޖުމްހޫރިއްޔާގެ އޮފީހާ ހަމައަށް ސަފީރުން ވަޑައިގެންނެވީ ހަތްކޮޅުގައި ރަސްމީ އިއްޒަތުގައި ބެރު ދުންމާރި ތާޅަފިލީގައި، ހެވިކަމުގެ ލަޝްކަރީންނާއެކު ހިންގަވައިފައެވެ.

އަލަށް ކަނޑައެޅުންވި ސަފީރުން:

• 1. ސްވިޒަލެންޑް - ހަރ އެކްސެލެންސީ ސިރީ ވަލްޓް

• 2. ނިއު ޒިލެންޑް - ހިޒް އެކްސެލެންސީ ޑޭވިޑް ޕައިން

• 3. ޔޫރަޕިއަން ޔޫނިއަން - ހަރ އެކްސެލެންސީ މަރީއާ ކާމެން މޮރެނޯ ރޭމުންޑޫ

• 4. އަންގޯލާ - ހިޒް އެކެސެލެންސީ ކްލެމެންޜޭ ޕެޑްރޯ ފްރާންސިސްކޮ

• މިއަދު ސަފީރު ކަމުގެ ފަތްކޮޅު އެރުވި ހުރިހާ ސަފީރުންނަކީ ވެސް ނޮން-ރެސިޑެންޓް ސަފީރުންގެ ގޮތުގައި ރާއްޖެއަށް ކަނޑައަޅުއްވާފައި ހުންނަވާ ސަފީރުން ކަމުން، އެބޭފުޅުން ހުންނަވާނީ ސްރީލަންކާގެ ކޮލަމްބޯގައެވެ. އެހެންނަމަވެސް އަންގޯލާގެ ސަފީރު ހުންނަވާނީ އިންޑިއާގެ ނިއުދިއްލީގައެވެ.

• ރައީސް ޑރ. މުއިއްޒު ވަނީ ސަފީރުންނާ ބައްދަލުކުރައްވާ ރާއްޖެ އާއި އެ ގައުމުތަކުގެ ދެމެދުގައި އޮތް ގުޅުން އިތުރަށް ބަދަހި ކުރައްވާނެ ގޮތާގުޅޭ ގޮތުން މަޝްވަރާ ކުރައްވާފައެވެ. އޭގެ ތެރޭގައި ފަތުރުވެރިކަމާއި ތައުލީމީ ދާއިރާ އަދި ވިޔަފާރީގެ ދާއިރާތައް ހިމެނެއެެވެ.