ފަޚުރުވެރި ރާއްޖެއެއް ބިނާކުރެވޭނީ ޤައުމީ ކޮންމެ މަސައްކަތެއްގައި ޒުވާނުންގެ ހިއްސާ އިތުރުކޮށްގެން: ރައީސް
ފަޚުރުވެރި ރާއްޖެއެއް ބިނާކުރެވޭނީ ޒުވާނުންގެ ހިއްސާ އިތުރުކޮށްގެންކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ.
ރައީސް މުޢިއްޒު މިފަދައިން ވިދާޅުވީ، ބައިނަލްއަގްވާމީ ޒުވާނުންގެ ދުވަސް ފާހަގަކުރެއްވުމުގެ ގޮތުން އެކްސްއަށް މިއަދު ޝާއިއުކުރެއްވި ޕޯސްޓެއްގައެވެ. ރައީސްގެ ޕޯސްޓްގައި ވިދާޅުވީ ދިވެހީންގެ ފަޚުރުވެރި ރާއްޖެއެއް ބިނާކުރެވޭނީ ޤައުމީ ކޮންމެ މަސައްކަތެއްގައި ޒުވާނުންގެ އެއްބާރުލުމާއި ހިއްސާވުން އިތުރުކޮށްގެން ކަމަށެވެ.
ޒުވާނުންގެ ދުވަހާގުޅިގެން ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު ވަނީ "ދިވެހި ޒުވާނުންގެ ޤައުމީ ލަފާދޭ ކޮމިޓީ" މިއަދު އިފްތިތާޙުކޮށްދެއްވާފައެވެ. މި ކޮމިޓީ އިފުތިތާޙުކޮށްދެއްވީ މިކަމަށްޓަކައި ރައީސުލްޖުމްހޫރިއްޔާގެ އޮފީހުގައި ކުރިއަށްދިޔަ ރަސްމިއްޔާތެއްގައެވެ.
1998 ވަނަ އަހަރު ޕޯޗުގަލްގެ ލިސްބަންގައި ބޭއްވި ވޯލްޑް ކޮންފަރެންސް އޮފް މިނިސްޓަރސް ރެސްޕޮންސިބަލް ފޯ ޔޫތު ގެ ލަފާގެ މަތިން ބައިނަލްއަގްވާމީ ޒުވާނުންގެ ދުވަސް އެންމެ ފުރަތަމަ ފާހަގަކުރެވުނީ 2000 ވަނަ އަހަރުގައެވެ.