މަޝްހޫރު ފުޓްބޯޅަ ރެފްރީ މައްލާ ޅަތުއްތު ނިޔާވުމުން ރައީީސް ތަޢުޒިޔާ ދަންނަވައިފި
މަޝްހޫރު ފުޓްބޯޅަ ރެފްރީ މައްލާ ޅަތުއްތު ނިޔާވުމާއި ގުޅިގެން ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ތަޢުޒިޔާ ވިދާޅުވެއްޖެއެވެ.
ރައީސްގެ ތަޢުޒިޔާ މެސެޖްގައި މައްލާ ޅަހުއްތު ދިވެހިރާއްޖޭގެ ކުޅިވަރު ކުރިއެރުވުމަށް ކޮށްދެއްވާފައިވާ އަގުހުރި ޚިދުމަތް ފާހަގަކުރެއްވިއެވެ.
ރައީސް ވިދާޅުވީ ކުޅިވަރު ކުރިއެރުވުމުގައި ބައި ޤަރުނަށްވުރެ ގިނަދުވަހު ޤައުމަށް ޚިދުމަތްކޮށްދެއްވާފައިވާ މަޝްހޫރު ފުޓްބޯޅަ ރެފްރީ މައްލާ ޅަތުއްތު ނިޔާވުމަކީ، ދިވެހި ކުޅިވަރުގެ ދާއިރާއަށް ފޫނުބެއްދޭނެ ބޮޑު އުނިކަމެއް ކަމަށެވެ.
ރައީސް ވަނީ މައްލާ ޅަހުއްތު ކުޅިވަރުގެ ދާއިރާއިން ހޯއްދަވާފައިވާ ކާމިޔާބީތައް ފާހަގަކުރައްވާފައެވެ.
އެގޮތުން ކުޅިވަރު ކުރިއެރުވުމުގެ ރޮނގުން ޤައުމީ ހިތްވަރުދިނުމުގެ އިނާމާ، ޤައުމީ ޝަރަފްވެރިކަމުގެ އިނާމާ، އަދި ދައުލަތަށް ދިގުމުއްދަތަކު ޚިދުމަތްކުރެއްވުމުގެ އިނާމާ، ކުޅިވަރުގެ ލައިފް އެޗީވްމަންޓް އެވޯޑްވެސް ޙާޞިލްކުރައްވާފައިވާކަން ފާހަގަކުރައްވާ ރައީސް ވިދާޅުވީ މައްލާ ޅަހުއްތުއަކީ ޤަައުމީ ޚިދުމަތުގެ ނަމޫނާ ޝަޚްޝިއްޔަތެއް ކަމަށެވެ.
ރައީސް ވަނީ މަރުޙޫމް މައްލާ ޅަތުއްތުގެ ޢާއިލާއަށް ތަޢުޒިޔާ ދަންނަވައި، ކެތްތެރިކަން މިންވަރުކޮށްދެއްވުން އެދި ދުޢާ ދަންނަވާފައެވެ.