ވިޔަފާރިވެރިޔާ ޒާހިރުގެ ޚިދުމަތް ފާހަގަކުރައްވާ އާއިލާއަށް ރައީީސް ތަޢުޒިޔާ ދަންނަވައިފި
ވިޔަފާރިވެރިޔާ ޒާހިރު (އޯކޭ ޒާހިރު) ނިޔާވުމާއި ގުޅިގެން އޭނާގެ ޚިދުމަތް ފާހަގަކުރައްވާ މަރުޙޫމް ޒާހިރުގެ އާއިލާއަށް ރައީީސުލްޖުމްހޫރިއްޔާ ތަޢުޒިޔާ ދަންނަވައިފިއެވެ.
ރައީސްގެ ތަޢުޒިޔާ މެސެޖްގައި ވަނީ މަރުޙޫމު ޒާހިރުއަކީ ރާއްޖޭގައި ކާރުޚާނާ ހިންގަވައި، ޤައުމުގެ އަމިއްލަ އުފެއްދުންތައް ބާޒާރަށް ނެރުއްވުމަށް ގިނަ މަސައްކަތްތަކެއް ކުރެއްވި ބޭފުޅެއްކަން ފާހަގަކުރައްވާފައެވެ. އަދި މަރުޙޫމު ޒާހިރުއަކީ ރާއްޖޭގެ އިޤްތިޞާދު ކުރިއެރުވުމުގެ ރޮނގުން ޤައުމީ އިނާމު ޙާޞިލްކުރައްވާފައިވާ ވިޔަފާރިވެރިޔެއްކަން ރައީސް ފާހަގަކުރެއްވިއެވެ.
ރައީސް ޑރ. މުޢިއްޒު ވަނީ ވިޔަފާރިވެރިޔާ މުޙައްމަދު ޒާހިރު (އޯކޭ ޒާހިރު) އަވަހާރަވުމުގެ ހިތާމައިގާ ބައިވެރިވެ، މަރުޙޫމްގެ ޢާއިލާއަށް ތަޢުޒިޔާ ދަންނަވާ، މަރުޙޫމް މުޙައްމަދު ޒާހިރުއަށް ސުވަރުގޭގެ ދާއިމީ ނިޢުމަތް މިންވަރު ކޮށްދެއްވުން އެދި ދުޢާ ދަންނަވާފައެވެ.