ވަރަށް ރަނގަޅު ބިންގަލެއްގައި މެދު އަދި ދުރު ރާސްތާގެ ދެމެހެއްޓެނިވި ތަރައްޤީ ދިވެހިން ދެކޭތަން ފެންނާނެ: ރައީސް
ވަރަށް ރަނގަޅު ބިންގަލެއްގައި މެދު އަދި ދުރު ރާސްތާގެ ދެމެހެއްޓެނިވި ތަރައްޤީ ދިވެހިން ދެކޭތަން ކުރިމަގުގައި ފެންނާނެ ކަމަށް ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު ވިދާޅުވެއްޖެއެވެ. އެ މަނިކުފާނު މިހެން ވިދާޅުވީ ސަންގު ޓީވީއަށް ދެއްވި ޚާއްސަ ބަސްދީގަތުމެއްގައެވެ.
މި ބަސްދީގަތުމުގައި ވާހަކަފުޅުދައްކަވަމުން ރައީސުލްޖުމްހޫރިއްޔާ ވަނީ ދިވެހިރާއްޖޭގެ އިޤްތިޞާދު ހަރުދަނާ ކުރައްވާނެ ކަމުގައި ވިދާޅުވެ، އެކަމަށްޓަކައި ސަރުކާރުން ކުރައްވަމުން ގެންދަވާ ބައެއް މަސައްކަތްތަކުގެ މައްޗަށް އަލިއަޅުވާލައްވާފައެވެ.
"އިރާދަކުރެއްވިއްޔާއިޤްތިޞާދުހަރުދަނާކުރާނަން،ކުރަމުންމިދަނީ.ބިންގާރަނގަޅު،ފައިސާޗާޕެއްނުކުރަން.އެއީއެންމެފުރަތަމަކަންތައް.ޑޮލަރުއަޅުގަނޑުމެންތެރޭގައިއިތުރުކުރުމަށްޓަކައިބައިވަރުބަދަލުތައްމިގެންނަނީ،ޤާނޫނީބަދަލުތަކާ،ނިޒާމީބަދަލުތަކާމިގެންނަނީ.އިރާދަކުރެއްވިއްޔާކުރިޔަށްއޮތްތަނުގައިއަޅުގަނޑުމެންގެރިޒާވްވެސްވަރުގަދަވާނެ.އަޅުގަނޑުމެންގެމަސައްކަތްތެރީންނަށް،ކުންފުނިތަކަށް،ކުދިމެދުފަންތީގެވިޔަފާރިތަކަށް،ދޭންހުރިފައިސާވެސްއިރާދަކުރެއްވިއްޔާކުރިޔަށްއޮތްދެމަސްތެރޭގައިހަމަދެމުންދެމުންދާނީ.އަޅުގަނޑުގެޓާރގެޓަކީނޮވެމްބަރުމަސްނިމެންވާއިރަށްމިހާރުޕެންޑިންގައިހުރިނުދެވިހުރިފައިސާތައްމީހުންނަށްދީނިންމޭނޭ."ރައީސްޑރ.މުޢިއްޒު
ރައީސުލްޖުމްހޫރިއްޔާގެ ވާހަކަފުޅުގައި، މަސްވެރިންނަށްވެސް ބިލިއަނެއްހާ ރުފިޔާ ދެވިއްޖެ ކަމަށާއި މަސްވެރިކަން އިތުރަށް ފުޅާކުރުމަށް ފެކްޓްރީތައް ހެދުމުގެ މަސައްކަތްތައް ރޭވި، އިޤްތިޞާދު ރަނގަޅުވަމުންދާކަމުގައި ވިދާޅުވިއެވެ. އެގޮތުން އެއާޕޯޓު ނިމެމުންދާ ކަމަށާއި އިތުރު ރިޒޯޓްތައް ހުޅުވެމުން އަންނަކަން އެ މަނިކުފާނުގެ ވާހަކަފުޅުގައި ފާހަގަކުރެއްވިއެވެ. އަދި އިތުރު ބޮޑެތި ބައެއް މަޝްރޫޢުތައް ފެށުމަށްޓަކައި ކުރައްވަމުން ގެންދަވާ ބައެއް މަސައްކަތްތަކުގެ މަޢުލޫމާތުވެސް ހިއްސާކުރެއްވިއެވެ.