އަދުގެ ޖީލުތަކުން ބޭނުންވަނީ ވާހަކަތަކަށް އަމަލީ ސިފަ ގެނެސްދޭ ނިޒާމަކާއި، ކުރިމަތިވާ ގޮންޖެހުންތަކަށް ހިތްވަރާއެކު ކުރިމަތިލާނެ ލީޑަރުންތަކެއް: ރައީސް
އަދުގެ ޖީލުތަކުން ބޭނުންވަނީ ވާހަކަތަކަށް އަމަލީ ސިފަ ގެނެސްދޭ ނިޒާމަކާއި، ކުރިމަތިވާ ގޮންޖެހުންތަކަށް ހިތްވަރާއެކު ކުރިމަތިލާނެ ލީޑަރުންތަކެއް ކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެެއްޖެއެވެ.
ރައީސް މިފަދައިން ވިދާޅުވީ "ސަމިޓް އޮފް ދަ ފިއުޗަރ" ހުޅުވުމުގެ ރަސްމިއްޔާތުގައި ވާހަކަފުޅު ދައްކަވަމުންނެވެ.
ރައީސް ޑރ. މުޢިއްޒު ވިދާޅުވީ ދުނިޔެއަށް މިހާރު ބޭނުންވަނީ ޚިޔާލީ ވާހަކަތަކެއް ނޫންކަމަށާއި، ކުރިމަތިވެފައިވާ މައްސަލަތަކަށް އަމަލީގޮތުން ހައްލު ހޯދައިދޭނެ ނިޒާމެއް ކަމަށެވެ.
ރައީސް މުޢިއްޒު އިތުރަށް ވިދާޅުވީ، މަލްޓިލެޓަރަލް ސިސްޓަމްތައް މެދުވެރިކޮށް ކަންކަން ހަޤީޤަތަކަށް ހެދުމުގެ ވަގުތު އައިސްފައިވާ ކަމަށެވެ. މިކަން ހާސިލުކުރެވޭނީ ޒުވާނުން ބާރުވެރިކުރުވުމާއި، މޫސުމަށް އަންނަ ބަދަލުތަކާ ދެކޮޅަށް މަސައްކަތްކުރުމާއި، މާލީގޮތުން ޤައުމުތައް ބާރުވެރިކުރުވުމުން ކަމަށް ރައީސް ފާހަގަކުރެއްވިއެވެ.
ރައީސް މުޢިއްޒު ވިދާޅުވީ މޫސުމީ މައްސަލަތަކުގެ ސަބަބުން މިހާރުވެސް ދުނިޔޭގެ 62 އިންސައްތަ ޒުވާނުންނަށް އޭގެ އަސަރު ކުރަމުންދާ ކަމަށާއި، ކުރިއަށް އޮތް ޖީލުތަކުން ބަލާނީ ވަޢުދުތައް ފުއްދިފައިވާ މިންވަރަށް ކަމަށެވެ. އަދި އަދުގެ ޖީލުތަކުން ބޭނުންވަނީ ވާހަކަތަކަށް އަމަލީ ސިފަ ގެނެސްދޭ ނިޒާމަކާއި، ކުރިމަތިވާ ގޮންޖެހުންތަކަށް ހިތްވަރާއެކު ކުރިމަތިލާނެ ލީޑަރުންތަކެއް ކަމަށްވެސް ރައީސް ފާހަގަކުރެއްވިއެވެ.
މޫސުމީ މައްސަލަތަކުގެ ސަބަބުން މިހާރުވެސް ދުނިޔޭގެ 62 އިންސައްތަ ޒުވާނުންނަށް އޭގެ އަސަރު ކުރަމުންދޭ، ކުރިއަށް އޮތް ޖީލުތަކުން ބަލާނީ ވަޢުދުތައް ފުއްދިފައިވާ މިންވަރަށް، އަދި އަދުގެ ޖީލުތަކުން ބޭނުންވަނީ ވާހަކަތަކަށް އަމަލީ ސިފަ ގެނެސްދޭ ނިޒާމަކާއި، ކުރިމަތިވާ ގޮންޖެހުންތަކަށް ހިތްވަރާއެކު ކުރިމަތިލާނެ ލީޑަރުންތަކެއް: ރައީސް ޑރ. މުޢިއްޒު
މި ސަމިޓްގެ މަޤްޞަދަކީ ބައިނަލްއަޤްވާމީ އެއްބަސްވުންތަކަށް ޢަމަލުކުރުން އަވަސްކުރުމާއި، "ޕެކްޓް ފޮރ ދަ ފިއުޗަރ" މެދުވެރިކޮށް އަލަށް ކުރިމަތިވާ ގޮންޖެހުންތަކަށް ހައްލު ހޯދުމެވެ. މީގެ އިތުރުން "ގްލޯބަލް ޑިޖިޓަލް ކޮމްޕެކްޓް" އާއި "ޑެކްލަރޭޝަން އޮން ފިއުޗާ ޖެނެރޭޝަންސް" ހިމެނޭ ގޮތަށް 21 ވަނަ ގަރުނުގެ ހަޤީޤަތްތަކުގެ މައްޗަށް ބިނާވެފައިވާ ނިޒާމެއް އެކުލަވާލުމަށްވެސް މި ސަމިޓްގައި މަސައްކަތްކުރެވޭނެއެވެ.