އަޅުގަނޑުމެން ބޭނުންވަނީ ހަމަޖެހުމުގައިއޮތް އދ އެއް، ނުތަނަވަސްކަމުގައި އޮތް އދ އެއްނޫން: ރައީސް
ބޭނުންވަނީ ހަމަޖެހުމުގައިއޮތް އދ އެއް ކަމަށާއި، ނުތަނަވަސްކަމުގައި އޮތް އދ އެއްނޫން ކަމަށް ދިވެހިރާއްޖޭގެ ރައީސްުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ.
ރައީސުލްޖުމްހޫރިއްޔާ މިފަދައިން ވިދާޅުވީ އދގެ 79 ވަނަ އާއްމު މަޖިލީހުގައި ދެއްވި ތަޤުރީރުގައެވެ.
ރައީސްގެ ތަޤްރީރުގައި ވިދާޅުވީ ބޮޑެތި މައްސަލަތަކެއް ކުރިމަތިވެފައިވާއިރުވެސް ބައިނަލްއަޤްވާމީ މުޖްތަމަޢުއިން އޮތީ އެކަށީގެންވާ މަސައްކަތެއް ނުކޮށް، އެކަމާއި އަޅާނުލާކަމަށެވެ.އދގެ 79 ވަނަ އާއްމު މަޖިލީހުގައި ދެއްވި ތަޤުރީރު ފައްޓަވަމުން ރައީސުލްޖުމްހޫރިއްޔާ ޑރ. މުޢިއްޒު ވަނީ ދުނިޔެއަށް މިވަގުތު ބޮޑެތި މައްސަލަތަކެއް ކުރިމަތިވެފައިވާކަން ފާހަގަކުރައްވާފައެވެ. އަދި އެ މައްސަލަތަކުގެ ސަބަބުން އަސަރުނުކުރާ ޤައުމެއް ނެތްކަމަށްވެސް އެމަނިކުފާނު ވިދާޅުވިއެވެ. ނަމަވެސް އެ ހުރިހާ މައްސަލަތަކެއް ބޮޑުވަމުންދާއިރު، ދުނިޔެ އޮތީ އެކަށީގެންވާ މަސައްކަތެއް ނުކޮށް، އެކަމާއި އަޅާނުލާކަމަށްވެސް ރައީސުލްޖުމްހޫރިއްޔާގެ ތަޤުރީރުގައި ފާހަގަކުރެއްވިއެވެ.
އަޅުގަނޑުމެން ބޭނުންވަނީ ހަމަޖެހުމުގައި އޮތް އދއެއް. ނުތަނަވަސްކަމުގައި އޮތް އދއެއް ނޫން: ރައީސް ޑރ. މުޢިއްޒު
ރައީސް ވިދާޅުވީ މިއަދު ދުނިޔެއަށް ކުރިމަތިވެފައިވާ ނުރައްކާތަކާއި މައްސަލަތަކަށް ބައިނަލްއަޤްވާމީ ނިޒާމެއްގެ ތެރެއިން ހައްލުތަކެއް ހޯދަންޖެހޭކަމަށެވެ. އަދި އަމަލީގޮތުން މަސައްކަތެއް ނުކޮށް، ވާހަކަތަކެއް ދައްކަން ވަގުތު ނެތްކަންވެސް ރައީސުލްޖުމްހޫރިއްޔާގެ ތަޤުރީރުގައި ފާހަގަކުރެއްވިއެވެ.