2025 ގެ ބަޖެޓުގައި އެންމެ ބޮޑު އިސްކަމެއް ދީފައިވާނީ ބޯހިޔާވަހިކަމަށް: ރައީސް

އަންނަ އަހަރަށް ލަފާކުރާ ބަޖެޓުގައި އެންމެ ބޮޑު އިސްކަމެއްދެއްވާފައިވާނީ ރައްޔިތުންގެ ބޯހިޔާވަހިކަމަށް ކަމުގައި ރައީސް ޑރ. މުޙައްމަދު މުޙައްމަދު މުޢިއްޒު ވިދާޅުވެއްޖެއެވެ.

ރައީސް މިފަދައިން ވިދާޅުވީ ފުރަތަމަ ފަހަރަށް ރާއްޖޭގައި ޑޮކްޓަރުކަން ކިޔެވި ކުދިންގެ ދަސްވެނިވުން ހިމެނޭހެން ޤައުމީ ޔުނިވާސިޓީގެ ދަސްވެނިވުމުގެ ރަސްމިއްޔާތުގައި ވާހަކަދައްކަވަމުންނެވެ. ރައީސް ވިދާޅުވީ އެމަނިކުފާނު އަންނަ އަހަރުގެ ބަޖެޓަށް ދެއްވާނެ ނަމަކީ ގެދޮރުވެރިކަމުގެ ބަޖެޓު ކަމަށެވެ.

ރައީސް ވިދާޅުވީ އަންނަ އަހަރަށް ލަފާކުރާ ބަޖެޓު ތަންފީޒުކުރެވިގެންދާއިރު އެ ބަޖެޓު ވެގެންދާނީ ބޯހިޔާވަހިކަމުގެ ބަޖެޓަކަށް ކަމަށާއި ރައްޔިތުންނަށް އެންމެ ބޭނުންޖެހިފައިވަނީ ބޯހިޔާވަހިކަން ކަމަށެވެ.

އަންނަ އަހަރަށް ހުށަހަޅާ ދައުލަތުގެ ބަޖެޓުގެ ޖުމްލައަކީ 56,647,600,859 (ފަންސާސް ހަ ބިލިއަން، ހަސަތޭކަ ސާޅީސް ހަތް މިލިއަން، ހަ ލައްކަ، އަށްސަތޭކަ ފަންސާސް ނުވަ) ރުފިޔާއެވެ. ސަރުކާރުން 1.5 ބިލިއަން ރުފިޔާގެ ހައުސިން މަޝްރޫޢު ހިންގުމަށް ބަޖެޓުގައި ހިމަނާފައިވެއެވެ.

ރައީސްގެ ވާހަކަފުޅުގައި ޤައުމީ ޔުނިވާސިޓީއިން ދަސްވެނިވި ދަރިވަރުންނަށް މަރުހަބާ ދަންނަވަމުން ވިދާޅުވީ ދަރިވަރުންނަށް ލިބިފައިވާ ޢިލްމުގެ ފުރިހަމަ ބޭނުން ކުރުމަށާއި ޤައުމަށް ޚިދުމަތް ކޮށްދިނުމަށް ނުކުތުމަށް އެދިލައްވާކަމަށެވެ.