ތަނަވަސްކަން ނެތް ރައްޔިތުންނަށް ފައިދާވާން ނޭދޭ ސިޔާސީ ވެރިން ކުރިއަށްއޮތް ތަނުގަ ފެންނާނެ: ރައީސް
ތަނަވަސްކަން ނެތް ރައްޔިތުންނަށް ފައިދާވާން ނޭދޭ ސިޔާސީ ވެރިން ކުރިއަށްއޮތް ތަނުގަ ފެންނާނެ ކަމަށާއި މިސަރުކާރު ކުރިޔަށްދާނީ ރައްޔިތުންގެ ފަޅީގައި އޮވެ ހުރިހާ ރައްޔިތުންނަށް އިންސާފުވެރިކަމާއެކު ތަނަވަސްކަން ހޯދައިދިނުމުގައި ކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ.
ރައީސް މިފަދައިން ވިދާޅުވެ ސޯޝަލް މީޑިއާގައި ޕޯސްޓެއް ކުރެއްވިއިރު، މިދަނޑިވަޅަކީ ދިވެހިރާއްޖޭގެ އިޤްތިޞާދީ ޙާލަތު ރަނގަޅުކުރުމަށް މިސަރުކާރުން ގެންނަ އިސްލާހީ ބަދަލުތަކާ ދެކޮޅަށް ބައެއް މަހުޖަނުން ނުކުމެ އެކަމަށް މަދު ބަޔަކު ހިތްވަރުދެމުންދާ ދަނޑިވަޅެއްކަން ފާހަގަކޮށްލެވެއެވެ.
ރައީސްގެ ޕޯސްޓްގައި ވިދާޅުވީ ތަނަވަސްކަން ނެތް ރައްޔިތުންނަށް ފައިދާއެއް ވާން ނޭދޭ ސިޔާސީ ވެރީން ރައްޔިތުންނަށް ވަރަށް ސާފު ވާތަން ކުރިޔަށް އޮތް ތާނގައި އިތުރަށް ފެންނާނެ ކަމަށާއި، މި ސަރުކާރު ކުރިޔަށްދާނީ ރައްޔިތުންގެ ފަޅީގައި އޮވެ ހުރިހާ ރައްޔިތުންނަށް އިންސާފުވެރިކަމާއެކު ތަނަވަސްކަން ހޯދައިދިނުމުގައި ކަމަށެވެ.
ރައީސްގެ މި ޕޯސްޓާ ގުޅިގެން ގިނަބަޔަކު ދަނީ ރައީސް އާއެކު ރައްޔިތުންގެ ފަޅީގައި ތިބިކަން ހާމަކޮށް މަހުޖަނުންނާ ދެކޮޅަށް ވާހަކަދައްކަމުންނެވެ.